د افغانستان او تاجکستان ترمینځ پر پوله يو مارکيټ او د تجارت لاره پرانیستل شوې ده.
په بدخشان کې د طالبانو د حکومت د اطلاعاتو او کلتور ریاست مشر معزالدين احمدي د سیپتمبر پر دويمه مشال راډيو ته وويل چې هغه لار تر درې کلونو بندیدو وروسته پرانیستل شوه.
معزالدین احمدي په داسې حال کې د بدخشان د ولسوالیو او تاجکستان ترمینځ د پلونو او ترانزیتي لارو د بیا پرانیستلو خبر ورکوي چې په وروستیو دوو کلونو کې د تاجکستان حکومت په وار وار د افغانستان په شمال کې د سخت دریځو ډلو له خوا د رامنځته شویو ګواښونو په اړه خبرداری ورکړی دی.