کراچۍ کې د افغان کډوالو یو ښوونځی د پیسو نه شتوالي له وجې تړل شوی دی

د پاکستان په کراچۍ کې د سلګونو افغان کډوالو زده کوونکو يو ښوونځی د پیسو د نه شتوالي له امله تړل شوی او بل د بندېدو په حال کې دی. په ۲۰۲۱ز کال کې په افغانستان کې د طالبانو تر واکمنېدو وروسته، هغه ښوونځي له مالي مرستو بې برخې پاتې شوي دي. زده کوونکي وايي د غازي امان الله خان ښوونځي بندېدو ډېر خفه کړي دي او اوس د سيد جمال الدين افغان په نوم د لېسې د تړل کېدو وېره ده. دا په داسې حال کې ده چې په افغانستان کې د طالبانو حکومت له شپږم ټولګي پورته د نجونو پر تعليم بندیز لګولی. نور د اسوشيېټډ پرېس اژانس په ویډیويي رپورټ کې.