د پنجاب د راولپېنډۍ ښار پولیس وايي چې د عيسويانو مذهبي کتاب انجيل ته یې د سپکاوي په تور یو تن نيول دی.
پولیسو د سېپتېمبر پر۱۶مه په خپله رسمي اېکس پاڼه لیکلي چې معلومات یې ترلاسه کړل چې يو کس د "انجيل بې حرمتي" کړې ده نو هغه یې ونیوه.
راولپنڈی پولیس کی فوری کارروائی، انجیل مقدس کی بے حرمتی کرنےوالا شخص گرفتار، پولیس کواطلاع ملی تھی کہ ایک شخص نےمقدس کتاب کی بےحرمتی کی ہے، پولیس نےفوری کارروائی کرتےہوئےمقدمہ درج کر کےمذکورہ شخص کو گرفتار کیا، ملزم کو ٹھوس شواہد کے ساتھ چالان کر کے قرار واقعی سزا دلوائی جائے گی،
— Rawalpindi Police (@RwpPolice) September 16, 2023
پولیس وایي، د هغه کس پرضد یې مقدمه کښلې او د سېپټېمبر پر ۱۷مه یې عدالت ته وړاندې کوي.
د راولپېنډۍ پولیسو د تورن کس پېژندګلوي نه ده په ډاګه کړې او د عیسویانو د دیني کتاب د سپکاوي تور په اړه یې هم نور معلومات نه دي ورکړي.
خو د پاکستان د انګرېزۍ ژبې ډان ورځپاڼې ویلي دي چې هغه کس په یوه ویډیو کې د انجیل سپکاوی کړی وو او بیا یې پر ټولنیزو شبکو خپره کړې وه.
په پاکستان کې د مذهب د سپکاوي د مجازاتو یو قانون موجود دی خو وخت په وخت هلته د مذهب د سپکاوي په نوم پېښې کېږي چې پکې زیاتره تورن کسان د نورو مذهبونو منونکي وي خو کله کله مسلمانان هم تورنېږي.
د اګست په میاشت کې د پنجاب په جړاوالا سیمه کې مذهب ته د توهین تر ګنګوسو وروسته لسګونه پارېدلو کسانو پر یوشمېر کلیساګانو او د عیسویانو پر کورونو بریدونه وکړل او تاوانونه یې واړول.