د ملګرو ملتونو د امنیت شورا د ناستې پر مهال د پاکستان استازي منیر اکرم ویلي چې نصیر احمد فایق د افغانستان استازیتوب نه شي کولای.
اکرم وروسته تر هغه دا خبرې وکړې چې د افغانستان استازي نصیر احمد فایق پاکستان د افغانستان د روانو ناخوالو مسوول وباله او ویې ویل چې "تل یې دوه ګونی چلند" کړی دی.
فایق زیاته کړه چې پاکستان له یوې خوا ځان د ترهګرۍ قرباني بولي او له بلې خوا "د ترهګرو ملاتړ او ورته لابي (له نفوذه کار اخیستل)" کوي.
د پاکستان استازي منیر اکرم د نصیر احمد فایق د دې څرګندونو په غبرګون زیاته کړه چې فایق "د افغانانو استازیتوب نه شي کولای" ځکه چې خپل "حکومت، خلک او اعتبار نه لري."
During the UN Security Council meeting on September 26, 2023, tensions flared between the Pakistani and Afghan representatives. The Pakistani delegate criticized the Afghanistan%27s chargé d%27affaires to the UN, Naseer Ahmad Faiq, describing him as disqualified and alleging that he… pic.twitter.com/yYG6JHXagi
— Afghan Analyst (@AfghanAnalyst2) September 26, 2023
نصیر احمد فایق د افغانستان د پرځېدلي جمهوري نظام له وخت راهیسې په ملګرو ملتونو کې د افغانستان د دایمي استازولۍ مشري په غاړه لري.
ملګرو ملتونو د هغه د کار دوام ته اجازه ورکړې او هغه سازمان ته یې د طالبانو د حکومت استازی نه دی منلی.
د فایق او اکرم ترمینځ دې لانجمنو خبرو پر ټولنیزو شبکو هم د ځينو افغان فعالانو غبرګونونه پارولي او د اکرم خبرې یې د افغانستان د خلکو سپکاوی بللی دی.