په هند کې د ۵۰ اووره يا يو ورځني کرکټ نړيوال جام په سیاليو کې نن افغانستان او پاکستان سره مخامخېږي.
ټاکل شوې چې د چېنای په لوبغالي کې دغه سیالي د پېښور پر وخت د ماسپښين پر یوه نیمه او د کابل پر یوه بجه پیل شي.
پاکستان تر اوسه په څلور لوبو کې دوې ګټلې دي او افغانستان بیا په څلورو کې یوه لوبه ګټلې ده.
تر اوسه هند او نیوزيلېنډ تر ټولو ښه لوبېدلي دي. هند پنځه لوبې کړې دي او ټولې یې ګټلې دي خو نیوزیلېنډ په پنځه کې څلور ګټلې دي.
د کرکټ د دې نړیوال کپ لوبې د اکتوبر پر پنځمه پیل شوې وې او د پای لوبه یې د نومبر پر ۱۹مه تر سره کېږي.