محسن داوړ: د شمالي وزیرستان امنیتي چارې دې پولیسو ته وسپارل شي

د ملي جمهوري غورځنګ (اېن ډي اېم) مشر محسن داوړ ویلي دي چې پخوا یې هم د وسلوالو فعالیتونو غندنه کړې او اوس یې هم کوي. نوموړي د جنورۍ پر درېیمه مشال راډیو ته وویل چې حکومت دې د شمالي وزیرستان د امنیت چارې پولیسو ته وسپاري. د پاکستان پوځیان له څه باندې یوې لسیزې راهیسې په هغه سیمه کې دی او وايي چې د وسلوالو پرضد یې هدفي عملیاتو ته دوام ورکړی دی. پولیس هم وايي چې هلته د امنیت ټینګښت هڅې کوي. د جنورۍ پر درېیمه په میرامشا کې وسلوالو د داوړ پر ګاډي ډزې وکړې. نوموړی د میرامشا تپي سیمې ته د انتخاباتي کیمپېن لپاره ورغلی وو. د حملې ذمه واري چا نه ده منلې خو پولیس وايي، پلټنې یې پیل کړې دي. له داوړ سره بشپړه مرکه وګورئ.