د پاکستان د اوسني ولسمشر اصف علي زرداري او د پخوانۍ وژل شوې وزیراعظمې بې نظیر بوټو کشره لور اصفه بوټو زرداري د قامي اسمبلۍ غړي منتخب شوې ده.
د مارچ پر ۲۹مه، هغه د سيند صوبې د بې نظیر اباد د قامي اسمبلۍ د ۲۰۷مې حلقې څخه بغیر له مقابلې غړې منتخب شوې ده.
پر هغې څوکۍ اصف علي زرداري د فبرورۍ د اتمې په ټاکنو کې بریالی شوی وو خو د ولسمشر په توګه له ټاکل کېدو وروسته څوکۍ خالي شوې وه.
د ټاکنو کميشن په وينا ټولو نوماندانو د اصفه بوټو په حق کې خپل کاغذونه بېرته اخیستي ول.
د پاکستان تحريک انصاف ملاتړي اميدوار سردار شيرمحمد رند پشمول د اووه احتمالي کاندیدانو کاغذونه د ټاکنو کمېشن رد کړي ول.
اصفه بوټو د اکسفورډ بروکس پوهنتون څخه په سیاسياتو اوسماجي علومو کې دبي ای سند تر لاسه کړی او د ماسټرۍ ډګري يې د ۲۰۱۶ز کال په جولای کې ديونيورسټي کالج لندن څخه اخیستې ده.
اصفه بوټو په پاکستان کې د پوليو رنځ د ختمولو ترټولو کم عمره سفیره هم ټاکلې شوي وه.