د افغان ښځو، نجونو او بشري حقونو لپاره د امریکا ځانګړې استازې رینا امیري د افغانستان او سیمې لپاره د زده کړو او پراختیا په چارو کې د جاپان د نړیوالې همکارۍ د ادارې (جايکا) مننه کړې او د افغانانو، په ځانګړې توګه، د ښځو لپاره يې د فرصتونو پراخولو په اړه له هغې ادارې سره د خبرو د دوام هیله ښوولې ده.
امیري د اپرېل پر ۱۱مه پر خپله اېکس پاڼه د افغانستان لپاره د ملګرو ملتونو د سرمنشي له پخواني ځانګړي استازي تدامیچي یاماموتو او د ساسکاوا سولې بنسټ له مشرې اکیکو هورېبا سره د لیدنې خبر ورکړی دی.
Thank you @USAmbJapan Emanuel and your excellent team for hosting me and for facilitating productive meetings on the situation in Afghanistan. 1/3 pic.twitter.com/E2dSLotZKh
— U.S. Special Envoy Rina Amiri (@SE_AfghanWGH) April 11, 2024
امیري ویلي چې له هغوی سره یې د افغانستان پر اوسني حالت خبرې وکړې او مننه یې ورڅخه وکړه چې د افغانستان په اړه یې هڅې جاري ساتلې دي.
جاپان له اوږدې مودې راهيسې په افغانستان کې د زدکړو، روغتيا او بيارغونې په چارو کې مرسته او همکاري کوي.