د هند غوره لیګ (انډیین پرېمییر لیګ یا ای پي اېل) په نوم د ۲۰ اووره کرکټ په سیالیو کې دلي کیپېټلز او ګجرات ټایټنز لوبډلې یو بل ته مخامخېږي.
د ګجرات په نرېندرا مودي لوبغالي کې د اپرېل ۱۷مې سیالي د پېښور پر وخت د ماخوستن پر اووه او د کابل پر شپږ نیمو بجو پیلېږي.
تر دې یوه ورځ مخکې راجستان رایلز لوبډلې کلکته نایټ رایډرز ته په دوو وېکټو ماتې ورکړه.
د کلکتې په عدن باغونو لوبغالي کې لومړی بیټېنګ د کلکتې لوبډلې وکړ او په ټاکلیو ۲۰ اوورونو کې یې د شپږو لوبغاړو په سوځېدو ۲۲۳ منډې وکړې.
سنیل نراین ۱۰۹، انګکرېش رګوونشي ۳۰ او رېنکو سېنګ ۲۰ منډې وکړې. د راجستان رایلز اوېش خان او کولدیپ سېن دوه، دوه وېکټې واخیستې.
په ځواب کې راجستان رایلز لوبډله په مختلفو وختونو کې د لوبغاړو د سوځېدو له وجې له ستونزو سره مخامخ شوه، خو پر دې سربېره یې د منډو کولو رفتار ښه وساته او ټاکلی هدف یې په ۲۰ اوورو کې د اتو لوبغاړو په زیان پوره کړ.
جاس بټلر ۱۰۷، ریان پراګ ۳۴ او روفمان پاول ۲۶ منډې وکړې. د کلکته نایټ رایډرز سنیل نراین، ورون چکراورتي او هرشېت رانا دوه، دوه لوبغاړي وسوځول.
د کلکته نایټ رایډرز لوبډلې شریک مالک او د هندۍ سینما نومیالی اداکار شاه رخ خان هم د سیالۍ لیدو لپاره میدان ته ورغلی وو.
د اپرېل پر ۱۸مه پنجاب کېنګز او ممبۍ انډیینز لوبډلې له یو بل سره سیالي لري.
په ای پي اېل کې ټولې ۱۰ لوبډلې برخه اخلي چې پکې د افغانستان په ګډون د یوشمېر هېوادونو لوبغاړي شامل دي.
د هند غوره لیګ سیالۍ د مارچ پر ۲۲مه پیل شوې او ټاکل شوې چې پایلوبه یې د مې پر ۲۶مه نېټه وشي.