د افغانستان د کرکټ لوبغاړي راشد خان ویلي دي چې په بغلان او نورو ولایتونو کې له سېلاب ځپلو سره د مرستو کیمپېن پیلوي.
نوموړي د مې پر ۱۱مه پر اېکس (پخواني ټوېټر) او فېسبوک په بیان کې ویلي دي چې بنسټ یې د ځپل شویو د مرستو "ټولې ممکنې" هڅې کوي.
With deep sadness, I%27ve learned of the devastating impact caused by the recent severe flooding in Baghlan and other provinces of Afghanistan. I%27m committed to doing everything I can to assist the most vulnerable affected Afghans.The Rashid Khan Foundation is preparing to launch… pic.twitter.com/LMtFuepJ0k
— Rashid Khan (@rashidkhan_19) May 11, 2024
راشد خان ویلي دي چې په تازه سېلابونو کې مرګژوبلې "ډېر دردولی" دی.
نوموړي تر دې مخکې هم په هرات او پکتیکا کې له زلزله ځپلو سره د پرلیکه (انلاین) پیسو غونډولو کیمپېنونو له لارې مرستې کړې دي.
په همدې حال کې یو افغان سوداګر میرویس عزیزي هم ویلي دي چې له سېلاب ځپلو سره یې د مرستو لپاره ۵۰ مېلیونه افغانۍ ځانګړې کړې دي.
سوداګر او د پېښور زلمي کرکټ لوبډلې مالک جاوېد اپرېدي هم د مې پر ۱۱مه پر اېکس په بیان کې د افغانستان له سېلاب ځپلو سره د مرستو ژمنه کړې ده.
Announcing a donation of Rs10 million to support the flood-affected areas of Baghlan, Badakhshan, Ghor & Herat, Afghanistan . @FoundationZalmi @UNHCRPakistan @AfghanembassyI1 @Dr_Al_Khulaifi @AnasHaqqani313
— Javed Afridi (@JAfridi10) May 11, 2024
اپرېدي په بیان کې ویلي دي چې په "بغلان، بدخشان، غور او هرات" ولایتونو کې له سېلاب ځپلو سره د مرستو لپاره "۱۰ مېلیونه" کلدارې یا پاکستانۍ روپۍ ورکوي.
د افغانستان د بغلان، هرات، غور او بدخشان په ګډون په یوشمېر ولایتونو کې د مې ۱۰مې تر وروښتونو وروسته په سېلابونو کې سلګونه کسانو ته مرګژوبله اوښتې ده، ګڼ کورونه ړنګ او زیانمن شوي او ګڼې کورنۍ بې کوره شوې دي.