د هند غوره لیګ (انډیین پرېمییر لیګ یا ای پي اېل) د ۲۰ اووره کرکټ په سیالیو کې نن (د مې پر ۱۶مه) سنرايزرز حيدراباد او ګجرات ټايټنز یو بل ته مخامخېږي.
د حيدراباد په لوبغالي کې دا سیالۍ د پېښور پر وخت د ماښام پر اووه او د کابل پر شپږ نیمو بجو پیلېږي.
د مې پر ۱۵مه، پنجاب کېنګز راجستان رايلز ته په پينځو وېکټو ماتې ورکړه. راجستان رايلز په ټاکل شويو ۲۰ اوورونو کې د نهو لوبغاړو په اوټ کېدو ۱۴۴ منډې جوړي کړي. په ځواب کې پنجاب ګېنګز دا هدف په نورلسم اوور کې د پينځو لوبغاړو په زیان پوره کړ.
ټاکل شوې چې د مې پر ۱۷مه ممبۍ انډنيز او لکنو سوپر جاینټس لوبډلې یو بل ته مخامخ شي.
د هند غوره لیګ سیالۍ د مارچ پر ۲۲مه پیل شوې او ټاکل شوې چې پایلوبه یې د مې پر ۲۶مه نېټه وشي. چېنای سوپر کېنګز لوبډله د تېر ۲۰۲۳ز کال د ای پي اېل اتله شوې وه.