د افغانستان لپاره د اروپايي ټولنې ځانګړي استازي توماس نيکلاسن په کابل کې د چین له سفیر سره لیدلي دي.
د چین سفارت د جون پر دریمه پر خپله اېکس پاڼه لیکلي چې په دې لیدنه کې له افغانستان سره د دوه اړخیزو او څو اړخیزو اړیکو او همکاریو پر زیاتولو او پیاوړتیا باندې ټينګار شوی دی.
Great pleasure to meet with EU Special Representative for Afghanistan Tomas Niklasson and exchange views on strengthening bilateral and multilateral cooperation with Afghanistan.
— Zhao Xing 赵星 (@ChinaEmbKabul) June 3, 2024
د اروپايي ټولنې استازي داسې وخت د چین له سفیر سره لیدلي چې د افغانستان لپاره په دوحه کې د ځانګړو استازیو تر غونډې مخکې د اجماع رامينځته کولو په هدف سیمه ییزو او نړیوالو هڅو زور اخیستی دی.
نیکلاسن تر دې مخکې د طالبانو د بهرنیو چارو له سرپرست وزیر امیر خان متقي او په کابل کې د ایران د سفارت له چارواکو سره هم لیدلي دي.