فرانس او سپېن په جرمني کې د روان فټبال یورو کپ نیمې پای لوبې ته وتلي دي.
د جولايي پر پنځمه په لومړۍ لوبه کې سپېن د کوربه هیواد جرمني لوبډلې ته د یو په مقابله کې په دوه ګوله ماته ورکړه او نیمې پای لوبې ته ووت.
په دویمه لوبه کې تر ډېره دلچسپه بازۍ وروسته فرانس د پورتګال لوبډلې ته په پېنلټیو کې د درو په مقابل کې په پنځو ګولونو بریا تر لاسه کړه.
د دویمې نیمې پای لوبې لپاره د جولايي پر شپږمه انګلېنډ له سویټزرلېنډ او ترکي له نېدرلېنډز سره سیالي کوي.
د سپېن او جرمني د لوبې یو عکس
ټاکل شوې چې د انګلستان او سویټزرلېنډ ترمنځ لوبه د پېښور له وخت سره سمه ماسخوتن نهه بجې پیل شي. د نېدرلېنډز او ترکي ترمنځ لوبه به د شپې پر ۱۲ بجې وي.
لومړۍ نیمه پای لوبه د جولايي پر نهمه د سپېن او فرانس ترمنځ تر سره کېږي. او دویمه نیمه پای لوبه به د جولايي پر لسمه د هغو دوو لوبډلو ترمنځ وي چې د جولايي شپږمې په سیالیو کې بریالۍ شي.
د فټ بال د ۲۰۲۴م کال یورو کپ پای لوبه د جولايي پر ۱۴مه ترسره کېږي.