پاکستان د اسلامي همکارۍ د سازمان (او ای سي) د هغې غیرمعمولي غونډې ملاتړ کړی دی چې د ایران په غوښتنه بلل شوې ده. غونډه اسماعیل هنیه د وژنې په اړه د بحث او غبرګون لپاره رابلل شوې ده.
د پاکستان د بهرنیو چارو وزارت د اګست پر درېیمه، په یو بیان کې ویلي دي چې د بهرنیو چارو له سرپرست وزیر اسحاق ډار خپل ایراني سرپرست سیال علي باغي کاني سره ټیلیفوني خبرې کړي دي چې پکې تهران له اسلام اباده غوښتي دي چې د بهرنیو چارو وزیرانو په کچه د اسلامي همکارۍ سازمان به غونډه کې ګډون وکړي.
بیان زیاتوي چې اسحاق ډار د دې غوښتنې بشپړ ملاتړ وکړ او تایید یې کړه چې پاکستان به په هغې مهمه غونډه کې په فعاله توګه ګډون وکړي.
Acting Foreign Minister of Iran Ali Bagheri Kani called the Deputy Prime Minister/Foreign Minister Senator Mohammad Ishaq Dar @MIshaqDar50 today and shared the Iranian nation’s and leadership’s deep anguish on the assassination of Ismail Haniyeh in Tehran on the occasion of the… pic.twitter.com/N5SYjtjoEU
— Ministry of Foreign Affairs - Pakistan (@ForeignOfficePk) August 3, 2024
اسماعیل هنیه د اروپا او امریکا له لوري ترهګرې ګرځول شوی ډلې حماس د سیاسي دفتر مشر وو. هغه د جولای پر ۳۱مه په تهران کې په یو برید کې ووژل شو.
ایران د اسماعیل هنیه د وژنې پړه په اسراییلو اچوي او ویلي یې دي چې دا برید د اسراییلو لخوا ترسره شوی، خو اسراییلو لا په دې اړه رسمي څه نه دي ویلي.
د اسلامي همکارۍ سازمان په ۱۹۶۹ز کال کې جوړ شوی دی او دا مهال یې ۵۷ غړي هېوادونه دي. د سازمان د بهرنیو چارو وزیرانو شورا په عادي حالاتو کې هر کال غونډه کوي چې پکې د اسلامي نړۍ د ګډو مسلو په اړه پکې خبرې کېږي.