امريکايي چارواکي وايي په افغانستان کې د طالبانو له بنده د خپلو درو وګړو د خوشې کولو هلې ځلې کوي.
د امریکا د بهرنيو چارو وزارت ډېپلومات او د نیول شويو د خوشې کولو لپاره د امريکايي ولسمشر ځانګړي استازي راجر ډي کارسټېنز د اګست پر ۱۰مه پر اېکس ليکلي چې د طالبانو په بند کې د راین کوربېټ او محمود شاه حبیبي دوه کاله پوره شول.
هغه زیاته کړې چې د هغو دوو او يو بل امريکايي وګړي جارج ګلېزمن د خوشې کولو لپاره به هر کوښښ وکړي.
Two years ago today Ryan Corbett and Mahmood Habibi were taken captive in Afghanistan. Ryan, Mahmood, and George Glezmann have been held for far too long and their families have endured unimaginable pain. We will continue every effort to reunite them with their loved ones.
— U.S. Special Presidential Envoy Roger D. Carstens (@StateSPEHA) August 10, 2024
حبيبي د افغانستان تابعيت هم لري او په تېر جمهوري حکومت کې د ملکي هوايي چلند ادارې مشر وو. امريکايي چارواکي وايي طالبانو هغه، د بشري حقونو فعال، کوربېټ او سيلانی ګلېزمن په ۲۰۲۲ز کال کې په جلا جلا وختونو کې په کابل کې نيولي دي.
د طالبانو د حکومت وياند ذبیح الله مجاهد د جولای پر درېيمه په کابل کې په يوه خبري غونډه کې ويلي ول چې د هغو امريکايي بندیانو په اړه یې له امريکايي چارواکو سره مذاکرات روان دي.