د لوېدیځې غاړې په شمال کې پر څو ښارونو د اسراییلو په بریدونو کې لږترلږه ۱۰ فلسطینیان وژل شوي دي.
د سرې میاشتې ویاند احمد جبریل د اګست پر ۲۸مه وویل چې دوه فلسطینیان په جنېن ښار، څلور په یوه نېږدې کلي او څلور نور طوباس ښار ته څېرمه د کډوالو په یوه کمپ کې وژل شوي دي.هغه زیاته کړه چې ۱۵ کسان زخمیان شوي هم دي.
צה"ל פועל מהלילה בעוצמה במחנות הפליטים ג%27נין וטול כרם לסיכול תשתיות טרור איסלמיות-אירניות שהוקמו במקום. איראן פועלת להקים חזית טרור מזרחית נגד ישראל ביו"ש, לפי מודל עזה ולבנון, באמצעות מימון וחימוש מחבלים והברחת נשק מתקדם מירדן.עלינו לטפל באיום בדיוק כפי שמטפלים בתשתיות הטרור…
— ישראל כ”ץ Israel Katz (@Israel_katz) August 28, 2024
د اسرايیلو پوځ د اګست پر ۲۸مه وويل چې د لوېدیځې غاړې په شمال کې د جنین او تلکریم په ښارونو کې يې د "ترهګرۍ ضد عملیات" کړي دي.
د اسرايیلو د بهرنیو چارو وزیر اسراییل کاټز په اېکس پاڼه (پخواني ټويټر) وویل چې پوځ "د تیرې شپې راهیسې" په دوه ښارونو کې د کډوالو په کېمپونو کې"عملیات کړي دي.
په غزه کې د جګړې سره سره په لوېدیځه غاړه کې تاوتریخوالی زیات شوی دی. د امریکا او اروپايي ټولنې لخوا ترهکرې کرځول شوې حماس وسلوالې ډلې د ۲۰۲۳ز کال د اکتوبر پر اوومه پر اسراییلو برید وکړ چې پکې خواوشا ۱،۲۰۰ اسراييليان يې ووژل او ۲۴۰ کسان یې یرغمل کړل. وروسته یوشمېر یرغمل کسان د یو جوړجاړي له لارې خوشې شول.