اسټراليا د ماشومانو لپاره د ټولنيزو رسنيو پر کارونې د بنديز پلان لري
ستاسې سېسټم د HTML5 په چلولو کې ستونزه لري.
په داسې حال کې چې په نړۍ کې د ماشومانو له خوا د ټولنیزو شبکو د کارونې په اړه بېلا بېلا اندېښنې شته، د اسټرالیا وزیراعظم اېنتني البنیز ويلي، داسې قانون جوړوي چې ترمخه به یې تر ۱۶ کلونو پر کم عمر لرونکو ماشومانو د ټولنيزو شبکو د کارولو بندیز وي. د نوموړي په وینا د ټولنيزو شبکو زیات استعمال د لویانو لپاره هم ښه نه دی خو ماشومان یې په "مصیبت" اخته کړي دي. د اسټرالیا ځوان کول په دې اړه بېلا بېل نظرونه لري خو د حکومت مخالفو ګوندونو مشرانو هم ویلي دي چې د ماشومانو لپاره د ټولنيزو شبکو پر کارونې د بندیز قانون په جوړولو کې به د حکومت ملاتړ کوي. بل خوا کارپوهان وايي چې د ټولنيزو شبکو د استعمال لپاره د یو خاص عمر حد ټاکل په تخنیکي توګه ممکن نه ښکاري. د فرانس پرېس اژانس له ويډيو جوړ راپور