د پاکستان د تعلیم وزارت ویلي دي چې په هغه هېواد کې له ۲۶.۲ مېلیونه (دوه کروړه ۶۲ لکه) څخه زیات ماشومان له زده کړو بې برخې دي.
وزارت د سېپټېمبر پر نهمه قامي اسمبلۍ ته په وړاندې کړي راپور کې ویلي دي چې له هغو څخه یې څه باندې ۱۰ مېلیونه ماشومان له پینځو څخه تر نهو کلونو پورې عمر لري او شاوخوا پینځه مېلیونه ماشومان له متوسطو (مېډل) زده کړو محروم دي.
راپور زیاتوي چې څه باندې ۴.۵ مېلیونه ماشومان د ثانوي یا های سکول له تعلیمه محروم دي.
دا په داسې حال کې ده چې وزیراعظم شهباز شریف د سېپټېمبر پر اتمه په هېواد کې تعلیمي بیړنی حالت یا اېمرجنسي اعلان کړه چې موخه یې له تعلیمه د بې برخې ماشومانو په ښوونځیو کې داخلول دي.