د تاجکستان ستر مفتي سید مکرم عبدالقادرزاده په یوه حمله کې ژوبل شوی دی.
پر عبدالقادر زاده دا حمله د سيپتمبر پر ۱۱مه، په پلازمېنه دوشنبه کې په مرکزي جمات کې وشوه. د دې هېواد د کورنیو چارو وزارت مطبوعاتي څانګې ويلي چې برید ګر عبدالقادر زاده په پرې کوونکي اله زخمي کړی خو د نوموړي روغتيايي حالت ښه دی.
بریدګر نيول شوی دی خو د حملې وجه لا څرګنده نه ده.
عبدالقادر زاده ۶۱ کلن دی او له ۲۰۱۰ کال راهيسې د تاجکستان د اسلامي مرکز د دیني عالمانو د شورا مشر دی. دا شورا په تاجکستان کې د فتوی ورکولو يوازینۍ اداره ده.