امریکا وايي د عراق له حکومت سره یې د دې لپاره تړون کړی چې په عراق کې د اسلامي دولت سخت دريځې ډلې پرضد د امریکا په مشرۍ ایتلافي پوځي ماموریت به د راتلونکي کال تر پایه سر ته ورسېږي.
د سېپټمبر پر ۲۷مه اعلان شوي دې تړون له مخې به امریکايي سرتيري ځینې هغه اډې پریږدي چې دوی د د وو لسیزو په اوږدو کې قبضه کړې وې.
خو امریکايي انتظاميي په دې اړه د نور تفصیل له ورکولو ډډه کړې ده چې په عراق کې د شاوخوا ۲۵۰۰ امریکايي پوځیانو له ډلې څخه څومره به اوس هم هلته پاتې شي او یا به دا تړون له دې هیواده د بشپړ وتلو پیل وي.