د اورکزیو جرګې له حکومته د امنیت غوښتنه کړې

د خیبر پښتونخوا په اورکزیو کې د ټولو قبیلو مشرانو له حکومته غوښتي دي چې په ضلع کې دې امنیت ټینګ کړي. دوی د سېپټېمبر پر ۲۷مه د بره اورکزیو په ډبوري کې جرګه وکړه او پر ناامنۍ او هدفي وژنو یې اندېښنه وښوده. د سیمې اوسېدونکي وايي چې په تېرو دوو میاشتو کې په بېلابېلو هدفي حملو کې اته تنه وژل شوي او یوشمېر ژوبل شول. د پولیسو یو چارواکي په وروستیو کې مشال راډیو ته ویلي ول چې په هدفي وژنو کې د ککړو کسانو د نیولو هڅه کوي او امنیت ته ژمن دي. ویډیويي رپورټ.