زياد خان وايي سندره بايد تر خپرواي مخکې راجسټر شي

د دې اونۍ د "هارون باچا هنري ګړۍ" خپرونې مېلمه پېژندلی وايلن غږوونکی او د موسيقۍ ثبتوونکی زياد خان دی. نوموړی د خيبر پښتونخوا د نوښار د يوې هنري کورنۍ دی، خو له تېرې څه مودې راهيسې په پېښور کې اوسي او هلته اډيو سټوډيو لري. د زياد خان په وينا، دی دا مهال په خيبر پښتونخوا کې یوازینی وايلن غږوونکی دی. نوموړي په خپله سټوډيو کې ګڼو پښتنو سندرغاړو ته سندرې جوړې او په موسيقۍ کې يې نوې تجربې کړې دي. خان وايي چې د سندرغاړو د سندرو د راجسټرولو کاروبار هم کوي. د زياد خان د هنري هلو ځلو په اړه یې خبرې او جوړې کړې سندرې په خپرونه کې اورېدای شئ.