د بخښنې نړیوال سازمان (ایمنسټي انټرنیشنل) له پاکستاني چارواکو غوښتي چې مخابراتي شبکې دې ژر تر ژره بېرته فعالې کړي، د خلکو د سوله ییز احتجاج حق ته دې درناوی وکړي او پر ضد یې د زور له استعماله ډډه وکړي.
یاد سازمان د اکتوبر پر څلورمه پر خپله ایکسپاڼه لیکلي چې انټرنیټ او موبایل خدمات بندول، لارې تړل، د محدودیتونو لګول، په غیر قانوني ډول له زوره کار اخیستل او د لاریون کوونکو نیول او ځپل د اندیښنې وړ خبره ده. سازمان وايي دا د بیان د ازادۍ مخنیوی دی او معلوماتو ته د لاسرسي له حقه سرغړونه ده.
تحریک انصاف د خپل زنداني رهبر عمران خان د خوشې کولو او د هغوی په وینا د عدلیې د ازادۍ لپاره د اکتوبر له څلورمې نېټې نه د اسلام اباد په جمهوریت څلورلاره یا ډي چوک کې د مظاهرې اعلان کړی دی خو پولیسو یې مخه نیولې ده.
Amnesty International calls on the Pakistani authorities to immediately restore communication networks, respect the right to protest and refrain from use of any unlawful force against peaceful protesters.Further, all those arbitrarily detained and arrested in anticipation of…
— Amnesty International South Asia, Regional Office (@amnestysasia) October 4, 2024
سازمان دغه راز د اکتوبر پر دویمه د پښتون تحفظ موومنټ په انتظامي کېمپ د پولیسو د چاپې یادونه هم کړې ده چې پکې يې د پرامنه احتجاج کوونکیو په کېمپ ډزې کړي او ورباندې یې اوښلن ګېس استعمال کړی دی.
پښتون ژغورنې غورځنګ د روان ۲۰۲۴ز کال د اکتوبر پر ۱۱مه په خيبر ضلع کې "د پښتنو قامي عدالت" په نوم د درې ورځنۍ لويې جرګې کولو اعلان کړی دی.
د بخښنې نړیوال سازمان پر ياکستان غږ کړی دی چې د تحریک انصاف د مظاهرو پر مهال نیول شوي کسان دې زر تر زره خوشې کړي.