د اسټراليا کرکټ مليلوبډلې پاکستان ته په يو ورځنۍ سیالۍ کې په دوو ويکټو ماتې ورکړه.
د اسټراليا په ميلبورن کې شوې دې لوبه کې لومړی بیټينګ پاکستان وکړ او د ټولو لوبغاړو په اوټ کېدو یې ۲۰۳ منډې جوړې کړي. محمد رضوان تر ټولو ډېرې ۴۴ منډې جوړې کړي. د اسټراليا په بالرانو کې ميچل سټارک درې، ايډم زامپا او پېټ کمينز ۲، ۲ ويکټې واخیستې.
د اسټراليا لوبډلې دا هدف په څلوردېرشم اوور کې د ۸ لوبغاړو په اوټ کېدو پوره کړ. د اسټراليا لخوا جاش اينګلس تر ټولو ډېرې ۴۹ منډې وکړي. د پاکستان حارث رووف تر ټولو ډېرې ۳ ويکټې واخیستې. سټارک د لوبې غوره لوبغاړی اعلان شو.
دا د اسټراليا او پاکستان ترمنځ د دريوو پنځوس اووره کرکټ سیاليوو لومړۍ لوبه وه. دوه نورې سیالۍ به د نومبر پر اتمه او لسمه کېږي.