بلال جمشېد: هنرمندان بايد موسيقي د خپلې ګټې يوازېنۍ وسيله و نه ګرځوي

د دې اونۍ د "هارون باچا هنري ګړۍ" خپرونې مېلمه د سيمې يو ځوان او پېژندلی سندرغاړی بلال جمشېد دی. نوموړی د مردان دی، خو موده کېږي چې له خپلې کورنۍ سره په پېښور کې اوسي. جمشېد وايي، هڅه کوي چې د سندرې انداز يې ځانګړی وي. د ده په خبره، د پښتنو هنرمندانو د ژوند معيار به هله ښه کېږي چې هغوی د موسيقۍ ترڅنګ نور روزګارونه هم وکړي. د بلال جمشېد دا خبرې او ځينې سندرې يې په خپرونه کې اورېدای شئ.