د افغانستان او زېمبابوې او د پاکستان او جنوبي افریقا لوبډلې د ۲۰ اووره کرکټ په سیالیو کې یو بل ته مخامخېږي.
ټاکل شوې چې د هرارې په لوبغالي کې د افغانستان او زېمبابوې ترمینځ سیالي نن (د ډېسېمبر پر ۱۳مه) د کابل پر وخت پر څلورو او د پېښور پر څلور نیمو بجو پیل شي.
داراز، د سینچوریین په لوبغالي کې د پاکستان او جنوبي افریقا ترمینځ سیالي د پېښور پر وخت د ماخوستن پر نهو او د کابل پر اته نیمو بجو پیلېږي.
کوربنو زېمبابوې او جنوبي افریقا تر دې مخکې د لوبلړیو په لومړۍ سیالیو کې افغانستان او پاکستان ته ماتې ورکړې وه.
ټاکل شوې چې افغانستان او زېمبابوې او د پاکستان او جنوبي افریقا ترمینځ وروستۍ سیالۍ سبا وشي.