د طالبانو په واکمنۍ کې "پټ هنرمندان" څنګه د رباب وطني نغمې ژوندۍ ساتي؟

طالبانو د ۲۰۲۱ کال د اګست پر ۱۵مه، په افغانستان کې د حکومت تر نيولو وروسته، پر موسیقۍ بندیز لګولی دی. زیاتره هنرمندان د ژوند خوندي کولو لپاره نورو هېوادونو ته کډه شوې دي. طالبانو د واکمنۍ په مهال، د موسیقۍ ډېرې الې ماتې کړې دي او اوس، د افغانستان د موسیقۍ ملي‌اله، او د نړۍ په کچه پېژندل شوی رباب له خاموشه کېدو سره مخ دی. خو په کابل کې د ګوتو په شمېر پاتې هنرمندان کوښښ کوي چې د رباب نغمې ژوندۍ او د وطن سندرې غږېدلې پاتې شي. په دې ويډيو کې د هغوی د امنیت ساتلو لپاره د هغوی مخونه نه دي ښودل شوي. د فرانس پریس اژانس له ويډيو د بشير ګواښ جوړ کړی راپور وګورئ.