د کورمې وضعیت زده کوونکي څنګه اغېزمن کړي؟

دا اونۍ مو په مشال مرکه کې د پېښور په بېلابېلو تعلیمي ادارو کې د کورمې له زده کوونکو سره خبرې کړې دي. هغوی وايي، په سیمه کې د خراب وضعیت او لارو بندېدو له وجې له اوږدې مودې راهیسې کورونو ته نه دي تللي او ژوند یې ګران شوی دی. دا په داسې حال کې ده چې امنیتي ځواکونو په بګن کې د مشکوکو وسلوالو پرضد عملیاتو ته دوام ورکړی دی. په کورمه کې په نومبر کې د مساپر لېږدوونکو ګاډو پر قافلې تر وسلوال برید وروسته فرقه ییزې نښتې وپارېدې. البته د حکومت په مینځګړتوب د جنورۍ پر لومړۍ نېټه د سولې پر موافقې سربېره حالات ترینګلي دي او لارې بندې دي. بشپړه خپرونه واورئ.