ډونلډ ټرمپ د امریکا ۴۵م ولسمشر منتخب شوی دی. د جایدادونو او ځمکو کاروبار کوونکی ټرمپ د نیویارک په یوه شتمنه کورنۍ کې زېږېدلی وو او خپل کاروبار یې تر ټېلېوېژن او د ښکلا تر سیالیو پراخه کړ.
په کاروبار او ټېلېوېژن کې د ډونلډ ټرمپ د ژوند ننداره
ډونلډ ټرمپ په ۱۹۴۶ز کال کې د نیویارک په یوه شتمنه کورنۍ کې زېږېدلی دی.
ټرمپ (له کیڼې خوا) د پینځو ماشومانو په کتار کې څلورم دی. پلار یې فرېډ ټرمپ نومېده او په نیویارک کې یې د ځمکو او جایدادونو کاروبار کاوه. هغه له خپل زوی سره د کاروبار په پیلولو او چلولو کې مرسته وکړه.
ټرمپ د نیویارک په پوځي اکاډمۍ کې روزنه هم تر لاسه کړې.
ټرمپ په ۱۹۶۸ز کال کې د وارټن د کاروبار او اقتصاد له پوهنځي څخه فارغ شو. په دې انځور کې له خپل پلار سره ولاړ دی.
ټرمپ په ۱۹۷۷ز کال کې په چېکوسلوواکیا کې له زېږېدلې اېوانا زیلنیچکوفا سره واده وکړ. دا یې د ۱۹۸۹ز کال انځور دی. تر دې لنډه موده وروسته دواړه سره بېل شول. دواړو درې بچي لرل: اېرېک، اېوانکا او ډونلډ ټرمپ کشر.
ټرمپ په ۱۹۹۳ز کال کې له ادکارې او ماډلې مارلا میپلز سره واده وکړ.
ټرمپ او مارلا میپلز په ۱۹۹۵ز کال کې له خپلې لور ټېفني سره. دواړه په ۱۹۹۹ز کال کې جلا شول.
ټرمپ په ۱۹۹۶ز کال کې د کایناتي پېغلي په نوم د ښکلا سیالیو کاروبار مشر شو. په دې انځور کې د وېنېزوېلا الېشیا ماشادو لیدل کېږي چې هغه کال یې سیالي ګټلې وه. نوموړې وروسته پر ټرمپ تور پورې کړ چې د دې سپکاوی یې کړی وو.
په ۲۰۰۵ز کال کې په لاس وېګس کې د ټرمپ نړیوال هوټل او برج د بنسټ ډبرې ایښودو غونډه.
ټرمپ په ۲۰۰۴ز کال کې په ټېلېوېژن کې کار وکړ. دلته له پروډیوسر مارک بورنېټ سره لیدل کېږي. د دې نندارې نوم اپرېنټس نومېده.
د ۲۰۰۴ز کال انځور. ټرمپ په لاس کې خپل کتاب (څنګه شتمن کېدای شئ) نیولی. په ۱۹۸۷ز کال کې د هغه بل کتاب (د سودا هنر) ډېر خرڅ شوی وو او دی یې نومیالی کړی وو.
ټرمپ په ۲۰۰۵ز کال کې د سلووانیا له ماډلې مېلانیا کناوس سره واده وکړ. د دوی زوی بارون په ۲۰۰۶ز کال کې پیدا شو.
د دواړو زوی په ۲۰۰۷ز کال کې په هاليووډ کې د ټرمپ له ستوري سره لوبې کوي.
ټرمپ په ۲۰۰۶ز کال کې په شېکاګو کې د ټرمپ نړیوال هوټل او برج ودانۍ پر مهال.
په اېټلانټېک سېټي کې د تاج محل په نوم د ټرمپ قمارخانه.
ټرمپ په ۲۰۱۱ز کال کې په فلورېډا کې د ټي پارټۍ لاریون ته وینا کوي. د ګوند دې ډېرې محافظه کارې برخې ته په وینا کې نوموړي پر ولسمشر باراک اوباما شدید انتقاد وکړ.
ټرمپ د ۲۰۱۶ز کال د جولای پر ۲۱مه په کلیولینډ کې د رېپبلېکن ګوند په ملي غونډه کې د خپل ګوند له خوا د ولسمشرۍ نوماندي ومنله.
د کیمپېن پر مهال یو شمېر ښځو پر ټرمپ تور پورې کړ چې د هغوی جنسي ځورونه یې کړې وه. ده وویل، دا تورونه ناسم دي او چې ولسمشر شو نو د هغوی پر ضد به عدالت ته ځي.
په انتخاباتو کې تر بریا وروسته ټرمپ وینا کوي.
د ټرمپ بریا تر خبر وروسته په اسیايي بازارونو کې کاروبار تاواني شو. د ونډو بازار کارکوونکي په ټوکیو کې د نیکي په نوم د اشاریې حال ته ګوري.