نصرالله زېری وايي د بلوچستان تر ټولو لویه مسله وچکالي ده

نصرالله زېری مو دا ځل په مشال مرکه خپرونه کې مېلمه دی. نوموړی د پښتونخوا ملي عوامي ګوند سیاستوال او د بلوچستان اسمبلۍ غړی دی. زېری دوه ځلې د هغې صوبايي اسمبلۍ غړی منتخب شوی دی او وايي، هلته یې د پښتنو او بلوڅانو د حقونو لپاره غږ پورته کړی او په دې خاطر یې د پخواني اعلاوزیر جام کمال خان پروړاندې د عدم اعتماد په تحریک کې د اپوزیشن مرسته کړې وه چې په حلقو کې پرمختیايي چارې درېدلې وې. پخواني اعلاوزیر په بیا بیا ویلي ول چې حکومت یې له پلان سره سم پرمختیايي کارونه کوي. زېری وايي، د بلوچستان تر ټولو لویه مسله اوږدمهالې وچکالي ده. له نوموړي سره بشپړه مرکه د غږ په ځای کې واورئ.