د پاکستان د بهرنيو چارو مملکتي یا ریاستي وزیرې په کابل کې د طالبانو حکومت له لوړ پوړو چارواکو سره پر دوه اړخيزه اړيکو خبرې کړې دي.
حنا رباني کرنن (د نومبر پر ۲۹مه) افغانستان ته د يو ورځني سفر پر مهال د طالبانو د حکومت د رییس الوزرا له مرستیال عبدالسلام حنفي او د طالبانو د بهرنیو چارو وزارت له سرپرست امیرخان متقي سره وليدل.
د طالبانو د بهرنیو چارو وزارت د ویاند مرستیال احمد ضیا تکل وايي، حنا رباني کر له امیرخان متقي سره په کتنه کې ویلي چې د افغانستان او پاکستان ترمينځ به د دوه اړخيزو همکاريو لپاره نوي ميکانيزمونه رامينځ ته شي چي ټول مشترک فرصتونه او مسایل د خبرو اترو له لارې وڅېړل شي او د پرمختګ لپاره کار وشي.
د بهرنیو چارو وزارت په ستورې ماڼۍ کې له پاکستاني پلاوي سره د بهرنیوچاور د وزیر مولوي امیرخان متقي په مشرۍ ناسته وشوه چي پکې د یاد وزارت اداري معین او ځنیو ریسانو هم ګډون درولود.پاکستانی پلاوی چې په بهرنیو چارو کې د دولت د وزیرې حنا رباني کر په مشرۍ راغلی وو په ترکیب کي یې... pic.twitter.com/W13ihqERKT
— Hafiz Zia Ahmad (@HafizZiaAhmad1) November 29, 2022
تکل زیاتوي، اغلې کر د افغانستان او پاکستان ترمينځ د همکاریو پر پراختیا ټینګار کړی، چې په خبره یې، له دې لارې دوه اړخیزې ګټې خوندي وساتل شي. "پاکستاني پلاوي په پاکستان کې له افغان مهاجرینو سره د ښه سلوک، د تګ راتګ په لارو او د ویزو په برخه کې د ستونزو د حل په باب د همکاریو ژمنه وکړه او زیاته یې کړه چې له افغانستان سره د تجارت او ټرانزیټ د پیاوړتیا او پراختیا په هکله به لازم ګامونه پورته کړي."
د پاکستان د بهرنيو چارو وزارت هم د نومبر پر ۲۹مه پر خپله ټويټر پاڼه ليکلي چې مېرمن کر د افغانستان د موقت حکومت له مرستیال عبدالسلام حنفي سره وکتل چې هغه مهال د طالبانو د کانونو، اقتصاد او سوداګرۍ وزیران هم موجود ول.
خبرپاڼه زياتوي چې دواړو لوريو پر دوه اړخيزه تجارت، ارتباطاتو او د خلکو ترمينځ د رابطو په اړه خبرې وکړې.
تر هغه وروسته اغلې کر د افغان مېرمنو د اطاق تجارت له استازيو سره هم ليده کاته وکړه. د پاکستان د بهرنيو چارو وزارت خبرپاڼه زياتوي چې حنا رباني کر په ټولنه کې د ښځو پر رول او د افغانستان او پاکستان له ښځینه متشبثینو سره د اړیکو په پیاوړتیا کې د لیوالتیا څرګندونه وکړه او اعلان يې وکړ چې پاکستان به د ښځو لخوا د تولیداتو واردولو ته لومړیتوب ورکوي.
MOS @HinaRKhar in meeting with Women Chamber of Comm.: -Underlined imp. role of women in society-Expressed 🇵🇰’s keen interest in strengthening linkages b/w women entrepreneurs of 🇵🇰& 🇦🇫 -Announced 🇵🇰 to give preference to import of products by women run businesses#MoSinKabul pic.twitter.com/WDAfrHjF1v
— Spokesperson 🇵🇰 MoFA (@ForeignOfficePk) November 29, 2022
مېرمن کر داسې مهال افغانستان ته سفر کړی چې په دا وروستيو کې د پاکستانيو پوليسو لخوا د سلګونو افغانانو د ځورونې او بندي کولو ويډيوګانې او راپورونه خپاره شوي دي، خو پوليس وايي چې هغوی هغه افغانان نيولي چې قانوني اسناد نه لري.
که څه هم د طالبانو په واکمنۍ کې د افغانستان او پاکستان اړيکې نسبتاً ښه شوې دي، خو د دواړو غاړو ترمینځ پر ډېورنډ کرښه وخت نا وخته نښتې کېږي چې له کبله يې د تورخم، چمن او خرلڅیو پر لارو تګ راتګ اغېزمن شوی دی او په وروستیو کې خو د چمن او خرلڅیو لاره تر یوشمېر ورځو پورې تړلې وه.
دا هم وګورئ:
د کورمې او ډنډ پټان مشران پر ډزبندۍ سلا شوي ديحنا رباني کر او ټام وېسټ د افغانستان پر وضعيت غږېدليستانکزی: پاکستان دې پر افغانانو تجارت نه کويمنيزه کاکړ: د پاکستان په سيند صوبه کې شاوخوا ۱۵۰۰ افغان کډوال نيول شويدا لومړی ځل نه دی چې یو لوړپوړی پاکستانی چارواکی پر افغانستان د طالبانو تر واکمنېدو وروسته کابل ته ځي بلکې تر دې وړاندې د ۲۰۲۲ز کال د اکتوبر پر ۲۱مه د پاکستان د بهرنیو چارو پخوانی وزیر شاه محمود قریشي کابل ته تللی وو.
د طالبانو حکومت لا هم د نړۍکوم هېواد په رسميت نه دی پېژندلی او پاکستان هغه هېواد دی چې په وار وار يې پر نړيوالو د طالبانو په رسميت د پېژندلو غږ کړی دی.