اشتیاق مسید د مشال راډیو خبریال دی چې د جنوبي وزیرستان، ډېره اسماعیل خان، ټانک او لکي مروت د امنیتي، سیاسي او ټولنیزو حالاتو په اړه راپورونه جوړوي.
تر اوسه پورې د پاکستان پوځ دا نه دې ويليچې د پوځي استخباراتو (ميليټري اينټيليجنس) دغه غړي ولې په بدلو جامو او د غيرمسووله وسله والو په شان ګرځېدل؟
د پښتون ژغورنې غورځنګ مخکښ مشر او په قامي اسمبلۍ کې د جنوبي وزیرستان استازی علي وزیر د ۲۰۲۰ز کال له ډېسېمبر راهیسې د ریاست (دولت) ضد ویناګانو او د خلکو پارولو په تور بندي دی. نوموړی او غورځنګ دا تورونه ردوي او مقدمې سیالي بولي.
د مکین سیمې تاڼېدار فرحان خان د ډېسېمبر پر لسمه مشال راډیو ته د پېښې پخلی وکړ او زیاته یې کړه چې دا پېښه د مکین په خوجي کلي کې شوې ده.
د پاکستان حکومت له ناقانونه وسلوالې ډلې تحریک طالبان پاکستان (ټي ټي پي) سره د روان کال د جون پر لومړۍ نېټه اوربند تر نامعلومې مودې غځولی وو. خو ټي ټي پي د نومبر پر ۲۸مه په پاکستان کې د حملو بیا پیلولو اعلان وکړ. هغې ناقانونه ډلې په تېره شاوخوا یوه اوونۍ کې د یوشمېر حملو ذمه واري منلې ده.
د خیبر پښتونخوا د پولیو مخنیوي پروګرام ادارې په دوو پړاوونو کې د صوبې په ډېریو برخو کې د پوليو څاڅکو واکسیني کیمپېن ته دوام ورکړی دی چې لومړی پينځه ورځنی کيمپېن يې د نومبر له ۲۸مې او دويم پينځه ورځنی کيمپېن يې د ډېسېمبر پر پینځمه پيل کړ.
د پولیسو لخوا د ډېسېمبر پر پينځمه مشال راډيو ته د ورکړل شویو معلوماتو تر مخې، حاجي عبدالصمد او ګران وزير يې د رياست ضد د خلکو پارونې او په جلسو کې د امنيتي ځواکونو ضد د ویناګانو کولو په تور نيولي دي.
د ډېره اسماعیل خان انتظامي مشر انعام وزیر د ډېسېمبر پر څلورمه مشال راډیو ته وویل، له پرلتوالو سره یې دوه ځلې مذاکرات کړي دي او ورته یې د خپلو هڅو ډاډ ورکړ. دی وايي، په یوه اوونۍ کې به د انصاف شاه په اړه معلومات وکړي.
اسلام اباد تر عملیاتو او خپلو کلیو ته د خلکو تر ستنېدو وروسته د بحالۍ چارو او اغېزمنو ته د تاوانونو ورکولو بهیر ته دوام ورکړی دی خو د جنوبي وزیرستان د مسیدو سیمو مشران وايي، ګڼې کورنۍ لا هم له مالي مرستو بې برخې دي.
پښتون ژغورنې غورځنګ او یوشمېر سیاسي ګوندونو د نومبر پر ۲۷مه په ټانک کې د ناامنۍ ضد احتجاجي جلسه وکړه. جلسې ته سلګونه کسان ورغلي ول او له انتظامیې څخه یې د امنیت ټینګښت غوښتنه وکړه. پولیس وايي، په ښار کې حالات ښه دي او دا چې هېڅوک د امنیت خرابولو ته نه پرېږدي. ویډیويي رپورټ.
د ملي جمهوري غورځنګ یوه مشر ندیم عسکر مشال راډیو ته وویل، په احتجاج کې د ګڼو خلکو ګډون د "ترهګرۍ پرضد د ټولپوښتنې (رېفرنډم) معنا" لري. دی وايي، ریاست دې د امنیت په اړه خپله ذمه واري پوره کړي.
د لکي مروت قبایلي مشران وايي، د امنیت ساتل د ریاست زمه واري ده نو ځکه دوی غوښتنه کوي چې ریاستي ادارې دې د دوی په سیمه کې د وسلوالو د منظمېدو مخه ونیسي.
د پولیسو ویاند شاهد حمید مشال راډیو ته وویل، پېښه د نومبر پر ۱۶مه سهار په شهابخېلو سیمه کې شوې ده. د ده په خبره، وسلوال چې وار له مخه پټ ناست ول، د عباسي څوکۍ د ګزمې پر ګاډي یې ډزې وکړې او پولیسان یې ووژل.
لاریون چې کله له رستم بازاره پیل شوی نو ګډونوالو یې په داسې ولوله د پورته کېدونکو شعارونو ځوابونه ورکول چې د بد امنۍ پرضد غصه پکې له ورایه ښکاریده.
د لاريون يو مشر او د پښتون ژغورنې غورځنګ د مرکزي کمېټۍ غړي مولانا زينت الله افغان مشال راډيو ته وويل چې په جنوبي وزيرستان کې هره ورځ د خلکو د تښتونو، هدفي وژنو او قلنګ اخيستلو پېښې رامينځ ته کېږي.
د جنوبي وزيرستان په اعظم ورسک سيمه کې پولیسو عمليات کړي دي. د نومبر پر شپږمه د واڼه ښار تاڼې مشر عثمان وزیر له مشال راډيو سره په خبرو کې ادعا وکړه چې په عملياتو کې د تحريک طالبان پاکستان يو مشکوک قوماندان وژل شوی او د هغه دوه ملګري نيول شوي دي.
مولانا زینت الله له حکومته وغوښتل چې "د شپې مهال چې د وېرې ترهې د خپرولو لپاره کومې ډزې کېږي، هغه دې بندې شي، د غلا، شوکې او قلنګ غوښتلو مخه دې ونیول شي، د پلټنیزو عملیاتو په پلمه دې زموږ د کورونو تالاشۍ او د کورونو د پاسه د ډرون الوتکو د الوتنو مخنیوی وشي.
یو ځايي فعال شېرپاو مسید مشال راډیو ته وویل، د اکتوبر ۳۰مې په لاریون کې د سیمې ټولو قومونو خلکو ګډون وکړ چې لومړی د ټانک له ټاون هاله پلی تر ټریفېک پواینټه پورې ولاړل او هلته یې مظاهره وکړه.
هغوی له تېرو پينځو ورځو راهیسې غوښتنه کوله چې حکومت دې ورته د ژوند بنیادي اسانتیاوې ورکړي او د هغو امنیتي سرتېرو پر ضد دې قانوني کارروايي وشي چې د دوی په وينا، د اکتوبر پر ۱۶مه یې پر مظاهرچیانو ډزې کړې وې.
نور وښیئ
