راشد خټک په اسلام اباد کې د مشال راډيو خبريال دی او د پاکستان پر سیاسي، اقتصادي او ټولنیزو چارو راپورونه جوړوي.
بشرا بي بي له شاوخوا نهو میاشتو راهیسې د توشه خانې په دویمه قضیه کې بندي وه. په هغه مقدمه کې پر نوموړې او مېړه یې تور دی چې د بهرنیو هېوادونو د مشرانو دولتي ډالۍ یې په خورا کمه بیه اخیستې او ترلاسه کړې وې.
پرېکړه د نومبر پر ۱۹مه په اسلام اباد کې د وزیراعظم شهباز شریف په مشرۍ د لوړپوړو ولسي او پوځي چارواکو په غونډه کې وشوه. په غونډه کې د پوځ مشر جنرال سید عاصم منیر او د څلورو صوبو اعلا وزیرانو په شمول لوړپوړو حکومتي، پوځي او استخباراتي چارواکو ګډون وکړ.
په اسلام اباد کې د لوک ورثې په نوم ۱۰ ورځنۍ کلتوري مېله د نومبر تر ۱۷مې پورې دوام لري. په دې ميله کې د پاکستان د زياترو سيمو سيمو او کلتورونو استازيتوب شوی دی. په مېله کې د خيبر پښتونخوا او بلوچستان کلتوري او لاسي جوړ شيان هم د نندارې او پلور لپاره اېښوول شوي دي. ويډيو رپورټ.
د اپوزیشن مشر عمر ايوب خان، په سېنېټ کې د مخالفو ګوندونو مشر شبلي فراز، په پنجاب اسمبلۍ کې د اپوزیشن مشر ملک احمد بهچر، اسد قیصر او د سني اتحاد کونسل د قامي اسمبلۍ غړی صاحبزاده حامد رضا شامل دي ۔
قاضي یحیا اپرېدي تر لوړې وروسته د جرګګیو جوړولو لپاره د قاضیانو درې کسیزه کمېټي جوړه کړه. دولتي ټېلېوېژن وايي چې نوموړي قاضي منیب اختر یو ځل بیا په هغه کمېټۍ کې شامل کړی دی. له دې پرته په کمېټۍ کې درېیم قاضي سید منصور علي شاه دی.
د ولسمشر اصف علي زرداري تر منظورۍ وروسته د پاکستان د قانون وزارت د يحيا اپرېدي د ټاکلو اعلاميه خپره کړه چې پکې ويل شوي دي چې هغه به د اکتوبر پر ۲۶مه د پاکستان د ۳۰م مشر قاضي په حیث د خپلې درې کلنې دندې لوړه وکړي.
د قامي اسمبلۍ سپیکر ایاز صادق وروسته وویل چې د مسودې په حق کې ۲۲۵ او په مخالفت کې یې ۱۲ رایې کارول شوې دي. د تحریک انصاف او سني اتحاد شورا غړو د مسودې په مخالفت کې ووټ واچاوه.
په اسلام اباد کې د ای ټي اېم په نامه اداره بې وزله خلکو ته مفته او یا هم په ارزانه بیه خواړه ورکوي. د ادارې چارواکي وایي دوی د بې وزله خلکو لپاره دسترخوان هم لري خو وروسته ورته مالومه شوه چې ځینې خلکو ته مفته ډوډۍ خوړل ښه نه ښکاري
تر کنفرانس وروسته په خپره شوې اعلاميه کې په منځني ختيځ کې د سمدستي اوربند غوښتنې ترڅنګ د اسلامي هېوادونو همکارۍ سازمان (او ای سي) ته ويل شوي چې د فلسطين پر حالاتو دې د خبرو لپاره بېړنۍ غونډه وبلي.
د کورنیو چارو وزارت یو چارواکي، چې له رسنیو سره یې د خبرو اجازې نه لرلو له وجې د نوم نه خپرولو غوښتنه وکړه، مشال راډیو ته د هغه فرمان نقل استولی او کره والی یې تایید کړی دی.
په اسلاماباد کې یو پښتون خضر حیات په یوه سمڅه کې خرېړي کري او په زیاته اندازه یې تولیدوي. خریړی، چې په ځینو سیمو کې دوړنګ او پوڅی هم بلل کېږي، یو ډول خواړه دي چې په طبیعي توګه په ځنګلونو او سمڅو کې ښه وده کوي. ویډیويي رپورټ.
د سېپټېمبر پر ۱۳مه په اسلام اباد کې یوه ادبي دستوره وشوه چې د جنید شریف بنسټ لخوا پکې د پښتو شاعر رحمت شاه سايل ته د "ځلاند فرهنګي مشر" جایزه ورکړل شوه.
تحریک انصاف ګوند وایي، پولیسو د سېپټېمبر پر نهمه بیرسټر ګوهر او د ګوند نور مشران د پارلېمان ودانۍ سره نېږدې ونیول. ګوند پر خپله ایکس پاڼه لیکلي چې د مشرانو نیول یې ناقانونه دي. دوی دا اقدام پر جمهوریت حمله بللې ده.
پر لارو تړلو سربېره د سېپټېمبر اتمې جلسې ته د خیبر پښتونخوا په ګډون د پاکستان له بېلابېلو برخو څخه د پي ټي ای غړي او پلویان ورغلي دي چې ورته د ګوند یوشمېر مخکښو مشرانو ویناګانې وکړې.
جنرال شریف چودري وویل چې د پاکستان پوځ د "ترهګرۍ تر ختمولو پورې" خپلو "هڅو ته دوام" ورکوي. ده د چا نوم وانخیست خو و یې ویل چې بهرني عناصر وسلوال تمویولوي او په حملو کې لاس لري. په وروستیو کې وسلوالو د بلوچستان په بېلابېلو برخو کې پراخې حملې وکړې.
سردار اختر مينګل د خپلې استغفا اعلان په پارلمان کې د یوې خبرې غونډې پر مهال وکړ. ده وویل، "ما نن پرېکړه کړې وه چې په اسمبلۍ کې د بلوچستان پر ستونزو خبرې وکړم، خو د بلوچستان په مسايلو کې ( د چا) هيڅ دلچسپي نه شته"
د یوټیلیټي سټورز کارپوريشن کارکوونکو په اسلام آباد کې د هغې ادارې د ختمولو د فېصلې پر ضد احتجاج کړی دی. دوی غوښتنه کوي چې حکومت دې د یوټیلیټي سټورز د ختمولو پرېکړه بېرته واخلي، ځکه چې دا پرېکړه به د کم امدن خلکو ته زیان ورسوي او زرګونه کارکونکي به بې روزګاره کړي.
پاکستان یو له هغو هیوادونونو څخه ګڼل کېږي چې خلک پکې د چاپیریال ساتنې ته هغومره پاملرنه نه کوي څومره چې لازمه ده. له همدې وجه د هوا د چټلتیا او د اقلیمي بدلون مسلې هلته مخ په زیاتېدو دي.
نور وښیئ
