شاهنواز ترکزی له پېښوره د مشال راډیو خبریال دی او د مومندو، باجوړ او شاوخوا سیمو په اړه رپورټونه جوړوي.
د نادره مارغانو ښکاریان وايي، په قبایلي سیمو کې د اوږدمهاله ناامنیو له کبله نه یوازې له نورو هېوادونو څخه د مارغانو ورتګ کم شوی، بلکې د دوی کاروبار یې هم اغېزمن کړی دی. دا ښکاریان په بېلا بېلو سیمو ګرځي او په مومندو کې هم د مارغانو ښکار کوي. ویډیويي رپورټ.
د شبقدر مسکان څه موده مخکې د سړک تر غاړې سیخان پخول او پلار یې ویل چې د زده کړو وس یې نه لري. خو د مشال راډیو تر رپورټ وروسته یوه کس یې پلار ته وویل چې د تعلیم لګښت یې ورکوي. اوس مسکان له خپلې خور سره هر سهار ښوونځي ته ځي. رپورټ وګورئ.
د سیمې اوسېدونکو، مشرانو او په سېنېټ کې د هغوی استازي هلال الرحمان د اتوار پر ورځ مشال راډیو ته وویل، دا کسان د جمعې پر ورځ د ځمکلاندې بم تر چاودنې وروسته نیول شوي دي.
د مومندو د پړانګ غار د نوي کلي سرکاري ښوونځي د اووم ټولګي زده کوونکي په ودانۍ کې د ځای کمښت له کبله په جومات کې تعلیم تر لاسه کوي. زده کوونکي او ښوونکي وايي، د دوو ټولګیو شاګردان په ساینسي لېبارټرۍ کې هم ناستې ته مجبوره دي. په ښوونځي کې شاوخوا ۴۰۰ زده کوونکي دي. تفصیل په ویډیويي رپورټ کې.
په شبقدر سیمه کې د ډینګي ماشو د ختمولو لپاره د یکشنبې په ورځ سپری وشوه. دوو ځوانانو په ټول کلي کې په لارو، کوڅو، ډېرانونو او کورونو کې د ماشو د وژلو دوايي د سپری له لارې وشیندله. د سیمې خلک وايي پخوا به حکومت د جهازونو له لارې سپری کوله خو اوس هغه لړۍ ختمه شوېده. ډینګې تپې په خیبر پښتونخوا صوبه کې
د مومندو په یکه غونډ کې د یوه ښوونځي دوه کوټې په وروستي باران کې پرېوتې. زده کوونکي وايي، په سکول کې بجلي او اوبه نشته. دوی وايي، په اوړي او باران کې زده کړې اغېزمنېږي. په سکول کې ۲۲۰ ماشومان تعلیم تر لاسه کوي. ویډیويي رپورټ وګورئ.
د اختر مېلې د نورو سیمو په څېر په شبقدر کې هم ګرمې دي. که څه هم دا لوی اختر دی خو واړه ورته ډېر خوشاله دي. ډلې ډلې ماشومان په شبقدر بازار کې په مېلو کې ګرځي، د لوبو سامانونه اخلي، خوراکونه کوي او په زانګوګانو کې زانګي. د مشال خبریال شاهنواز ترکزي د مېلې ځینې نندارې راستولي دي.
د چارصدې په شبقدر تحصیل کې هم د پښتونخوا د نورو سیمو په څېر د اختر تیاریانې روانې دي. په یاد بازار کې په دې ورځو کې تر هرڅه زیات د چړو، چاقوانو، تبرونو، او د کبابو د مسالو بازار ګرم دی ځکه چې د لوی اختر مخه ده او خلک به د قربانۍ پر مهال دغو توکیو ته زیاته اړتیا لري. د مشال خبریال شهنواز ترکزی په شبق
د خیبر پښتونخوا په شبقدر کې د اتوار پر ورځ تر باران وروسته سېلاو راغلی چې د ښار کوڅې او دوکانونه یې زیانمن کړي. د پاکستان موسمیاتو ادارې وار له مخه خبرداری ورکړی چې روانه اوونۍ هم د بارانونو او سېلاو امکان دی. د بازار دوکاندارانو له حکومته غوښتنه کړې چې ژر دې ورته مرستې ورسوي. ویډیو وګورئ.
په پښتونخوا کې اوس هم داسې ځایونه شته چې پکې خلک مالوچ ډانډسوي. د شبقدر ځېنې اوسېدونکي د ونو تر سیوري لاندې ډانډس ته ورځي. خپلې کیسې کوي او مالوچ هم ډانډسوي. دوی وايي، د مشین پرتله په ډانډس مالوچ ښه پاکېږي او تر ډېره بیا په توشکونو او بالښتونو کې کارېږي. د مشال راډیو خبریال مو د ډانډس سیل ته بیايي.
د دوشنبې پر سهار په شبقدر کې د نشه يي موادو د استعمال او خرڅلاو ضد مظاهره شوې ده. مظاهره کوونکو ویل، نشه يي مواد د سیمې د ځوانانو ژوند او راتلونکې تباه کوي. پولیسو دوی ته ډاډ ورکړ چې د دوی په مرسته به د مخدره موادو ضد مبارزې ته دوام ورکړي. دا ویډیو وګورئ.
مومندو کې پوليټيکل انتظاميې له غير رجسټرډ افغان کډوالوغوښتي چې سیمه دې پرېږدي کنه نو دوی به يې په زور وباسي.د خاصه دار ځواک یوه چارواکي د یکشنبې په ورځ د نوم نه ښودو په شرط مشال راډیو ته وویل چې پولیټیکل انتظامیې ورته د جولای پر څلورمه د مومند مېشته افغان کډوالو د مشرانو یو نوملړ ورکړ.
د پښتونخوا او قبایلو د نورو سیمو په څېر په مومندو کې هم خلکو اختر لمانځلی دی. ګڼ خلک د یکشنبې پر سهار لمونځ ته ورغلي ول او بیا یې له یو بل سره د اختر مبارکۍ وکړې. وروسته یې یو ځای سره وریژې وخوړې. ویډیو وګورئ.
په مومندو کې د سرشمېرنې او کور شمېرنې بهیر وروستي پړاو ته رسېدلی دی. دا عمل د اپرېل له ۲۵مې پیل شوی چې پکې د هرې سیمې د ټولو کورنیو د غړو او سامانونو په اړه معلومات لیکل کېږي. د سرشمېرنې امنیت لپاره پوځیان پر دندو ګمارل شوي دي. تفصیل په ویډیويي رپورټ کې.
د شوکدر په مټه مغلخېلو کې د رخت (کپړې) جوړولو کارخانې دي. په دې کارخانو کې کارکوونکي وايي، پخوا دلته ۴۸ زره کسانو کار کاوه او په برېښنا یا لاسونو به یې رخت ووبده. خو اوس د بجلۍ نشتوالي او کاروبار ته د تاوان رسېدو له کبله د کارکوونکو شمېر نیمايي شوی دی. ویډیو وګورئ.
هغه مهال چې له پل صراطه تېر شئ، نو یوه لویه دښته پیل شي چې د تور تارکولي یا قیر سړک دواړو غاړو ته پرته ده. د سړک تر غاړو د کیکرو اغزن بوټي ولاړ دي او د دید تر حده کور نه تر سترګو کېږي – یو شی چې ښکاري د سلېمان یا کسۍ غرونو لړۍ ده.
د مومندو پولېټېکل اېجنټ وايي، د سرشمېرنې په دویم پړاو کې به کارکوونکي کور په کور ګرځي او د ټولو کورنیو غړي به شماري. محمود اسلم وزیر د دوشنبې (ګل) پر ورځ له ولسه غوښتنه وکړه چې د سرشمېرنې له افسرانو سره دې همکاري وکړي. تفصیل په ویډيويي رپورټ کې.
له ډېرې مودې مې زړه وو چې جنوبي پښتونخوا (بلوچستان) ووینم. چې موقع برابره شوه، ما ویل نه یې ضایع کوم. له شوقدره چې روان شوم نو له ډېره اسماعیل خانه تر چمنه مې پر لار انځورونه واخیستل. د کومو ځانګړو تصویرونو اخیستو هڅه مې نه کوله، بس هر څه چې په مخه راتلل، ما ویل انځور یې اړین دی. تاسې یې هم ګورئ.
په پښین کې د شنو نسوارو جوړولو چکۍ دي چې پکې یو شمېر خلک کار کوي. خو دا نسوار جوړوونکي وايي، د برېښنا کموالي له کبله یې کاروبار اغېزمن شوی دی. ورسره په ویډیو کې ګورئ چې د چکیو کارکوونکي په څنګه ماحول کې نسوار جوړوي او ولې دا کار مشکل بولي.
د مومندو قبایلي سیمې انتظامیې د یکشنبې په ورځ د کوزه مومندو مېچنۍ موصل کورونو خلکو ته امر کړی چې هم نن سیمه تخلیه کړي او خپلې کډې دې وباسي، ځکه چې د دوی له کلي نه د ترهګرۍ د پېښو د پلان جوړېدو وېره لیدل کېږي.
نور وښیئ
