ګل ایاز

په قطر کې د مارغانو سيالۍ شوي

د قطر په شمال کې په دښتو کې د مارغانو ښکار زوړ دود خوندي ساتلو لپاره سيالۍ شوي. دوی ته دا ميراث له پلرونو ورپاتې دی او نوي نسل ته يې د انتقالولو هڅه کوي. په سيالیو کې يوشمېر ماشومانو هم برخه اخيستې وه. د فرانس پرېس اژانس ويډيويي راپور

د ايران په فولاد شهر ښار کې تازه مظاهرې شوې دي

په ايران کې د ۲۲ کلنې مېرمنې مهسا اميني د وژنې پرضد مظاهرې روانې دي. د هغه هېواد د اصفهان صوبې په فولاد شهر ښار کې د نومبر پر ۱۸مه د مظاهرو تازه ويډيوګانې پر ټولينزو رسنيو خپرې شوې دي.

درې عراقيانو مکې ته پر بايسکل سفر پيل کړی

د عراق د ايربيل ښار درې اوسېدونکو د عمرې ادا کولو لپاره پر بايسکلونو سفر پيل کړي. هغوی په دغه ۴۵ ورځنې سفر کې لنډې لارې نه ګوري. دغه درې عراقيان به سعودي عرب ته د سفر په ترڅ کې د مکې او پلازمېنې ریاض په ګډون په څو ښارونو کې درېږي. د اسوشيېټېډ پرېس اژانس ويډيويي راپور.

پاکستان تحریک انصاف: هېواد یوازې د انتخاباتو له لارې له بحرانه راوتلای شي

د تحریک انصاف ګوند مرکزي عمومي سکتر اسد عمر نن (د نومبر پر ۱۲مه)  په په سلطان باهو دربار کې د لاريون پيلولو سره خپلو پلويانو ته په وينا کې وويل چې د پاکستان د برخلیک ټاکلو لپاره دې پرېکړې د بندو دروازو تر شا نه کېږي او نه دې هم په لندن او امریکا کې کېږي بلکې په هېواد کې دننه دې وشي.

د پاکستان حکومت له سېلاب ځپلو سره له نړيوالو مرستو مطمين نه دی

د پاکستان د چاپیریال ساتنې وزیره وايي، ماحولیاتي بدلون یې هېواد تر هر چا زیات ځپلی او وروستیو سېلابونو تر ۳۰ اربه ډالرو زیات تاوان ور اړولی دی. شیري رحمان دا څرګندونې په مصر کې د اقلیمي بدلون د نړېوالې غونډې په څنډو کې رویټرز اژانس ته په مرکه کې کړې دي.

په پاکستان کې د پوځ مشر ټاکنه ولې جنجالي شوې؟

شهباز شریف: د سپریم کورټ د ټولو قاضیانو جرګګۍ دې د عمران خان تورونه وپلټي

خان د نومبر پر څلورمه د لاهور له روغتونه په ویډیويي وینا کې دعوه وکړه چې د حکومت ضد لاریون تر پیلولو مخکې یې د "وژلو" پلان او سازش شوی وو. ده د خپلې دعوې ثبوت وړاندې نه کړ خو د وزیراعظم، د کورنیو چارو وزیر او د پوځي افسر نومونه یې یاد کړل چې په وینا یې ورباندې په حمله کې ککړ دي.

عمران خان د تحریک انصاف پر لاریون ډزو کې ژوبل شوی دی

پاکستان تحریک انصاف ګوند وايي، په پنجاب کې د عمران خان پر مشرۍ پر لاریون په ډزو کې د نوموړي او سېنېټر فیصل جاوېد په ګډون یوشمېر کسان ژوبل شوي دي. وزیراعظم شهباز شریف او ولسمشر عارف علوي د پېښې غندنه کړې ده. د رویټرز اژانس له ویډیو جوړ رپورټ.

مراکش کې د سړک پر غاړه بازار کې زرګونه خواړه تيارېږي

د مراکش په جامع الفنا څلور لارې کې د خواړو بازار کې هره ورځ تر ۱۰،۰۰۰ زيات خواړه تياريږي او خرڅېږي. د سړکونو پر غاړه خواړو پلورونکي د سیلانیانو لپاره د مراکش دودیز خواړه پخوي. دغه ځای ته د ۲۰۱۹ز کال په شان ګڼو سېلانيانو ورتګ پيل کړی دی. د اسوشیېټېډ پرېس اژانس له ویډیو جوړ رپورټ.

ايرانۍ نڅاګره له خپلو هېوادوالو سره د يووالي لپاره نڅا کوي

میکایل علیزادې په ۲۰۱۵ز کال کې له ایران څخه ترکیې ته د دې وېرې له کبله د تلو پرېکړه وکړه چې د نڅاګرۍ په تور به زنداني شي. هغه باور لري چې په حکومت ضد مظاهرو کې برخه اخیستل به د تهران "ظلم" پای ته ورسوي. د رويټرز اژانس له ويډيو جوړ رپورټ.

د عمران خان نااهلي: د تحریک انصاف پلویان په احتجاج دي

د قامي اسمبلۍ څوکۍ لپاره د پاکستان تحریک انصاف د مشر عمران خان نااهلۍ ضد احتجاجونه پیل شوي دي. انتخاباتي کمېشن د اکتوبر پر ۲۱مه وویل چې عمران خان د شتمنیو په اړه سم معلومات نه ول ورکړي نو ځکه له ایین سره سم د قامي اسمبلۍ د څوکۍ وړ نه دی. ویډیويي رپورټ.

په لکي مروت کې د ناامنۍ ضد لاریون شوی دی

د "لکي مروت ولسي پاڅون" په نوم د اکتوبر ۱۶مې په لاریون کې د فعالانو ترڅنګ د بېلابېلو سیاسي ګوندونو ګډونوالو هم ګډون وکړ.

بلاول: د بایډن د څرګندونو په تړاو د امریکا سفیر احضاروو

د پاکستان د بهرنيو چارو وزير بلاول بوټو زرداري وايي، د هېواد اټومې وسلې خوندي دي او د نړيوالې ادارې له معيارونو سره سم دي. نوموړي دا څرګندونې په داسي حال کې کړي چې د امريکا ولسمشر جو بايډن د اکتوبر پر ۱۳مه په يو وينا کې ويلي ول چې د پاکستان اټومې وسلې غيرمنظې دي.

ملالې یوسفزۍ د پاکستان له سېلاب ځپلو سره لیدلي دي

د سولې نوبېل انعام ګټونکې او د تعلیم نړیوالې مبارزې ملالې یوسفزۍ د اکتوبر پر ۱۲مه د سیند په دادو کې له سېلاب ځپلو سره ولیدل او د مرستو ډاډ یې ورکړ.

سيند کې ټرافيکي پېښه کې د يوې کورنۍ ۱۸ غړي وژل شوي

د سيند په جامشورو ضلعې کې په یو مساپر وړونکي بس کې د اورلګېدو له وجې د ښځو او ماشومانو په ګډون ۱۸ کسان وژل شوي دي.

يوه هندي وګړي په سلګونو ټايپ رايټران راټول کړي دي

د ټیکنالوجۍ پر دې پرمختللې دور کې هم د هند ځينې وګړي د زړو زمانو ټايپ رايټرانو د ساتلو شوق لري. يوه هندي وګړي د ۴۵۰ ټايپ رايټرانو يو ميوزيم جوړ کړی چې هدف يې دا دی چې دا د خلکو په حافظه کې پاتې شي. د رويټرز اژانس ويډيو.

سېلابونو په خيبر پښتونخوا کې د سلګونو سکولونو ودانۍ نړولي

په خيبر پښتونخوا کې د پرايمري سکولونو اتحاديي مشر عزيز الله د سېپټېمبر پر ۲۴مه مشال راډيو ته وويل چې د صوبې په ۱۰ ضلعو کې د ښونځيو ودانيو ته سخت زيان اوښتی چې له وجې يې په زرګونو ماشومان له زده کړو بې برخې دي.

ایران کې مظاهره چیان د ښځو د پراخو حقونو غوښتنه کوي

په ایران کې د پولیسو په ولکه کې د یوې ښځې د مړینې تر راپورونه وروسته مظاهرې د هېواد ۸۰ ښارونو ته غځېدلې دي. حکومت وايي، د ۲۲ کلنې مهسا امیني د مړینې د پېښې پلټنې کوي.

شهباز شريف: پاکستان په افغانستان کې د ترهګرو ډلو د فعاليت په اړه له نړيوالو سره شريکه اندېښنه لري

شهباز شریف چې پرون د سېپټېمبر پر ۲۳مه، یې د افغانستان په وخت شپه مهال د ملګرو ملتونو عمومي غونډې ته خبرې کولې وویل، هېواد یې له نړیوالې ټولنې سره یو ځای له افغانستان څخه د ترهګرو ډلو د ګواښونو په اړه اندېښنه لري.

پاکستان سېلابونه: انجېلینا جولي وايي داسې حالات یې ژوند کې نه ول لیدلي

د ملګرو ملتونو د کډوالو چارو ادارې (یو اېن اېچ سي ار) ځانګړې استازې او د امریکايي فلمونو ستورې انجېلینا جولي ویلي، د پاکستان سېلاب ځپلي خورا زیاتو مرستو ته اړتیا لري.