داود خټک

په خیبر کې خبریالانو د خپل ملګري د وژنې ضد احتجاج کړی دی

د خیبر پښتونخوا په خیبر ضلع کې ګڼو خبریالانو او فعالانو د خپل یو ملګري د وژنې ضد مظاهره کړې ده. د جون ۱۹مې احتجاج ګډونوالو له حکومته د خلیل جبران اپرېدي په وژنه کې د ککړو کسانو د نیولو او د خبریالانو د خوندیتوب غوښتنه کوله. ویډیويي رپورټ.

د بن لادن د وژنې تر ۱۳ کلونو وروسته د سیمې امنیت ته کتنه

د مې پر دویمه د ترهګرې ډلې القاعدې د پخواني مشر اسامه بن لادن د وژنې ۱۳ کاله پوره شول. نوموړی په ۲۰۱۱ز په اېبټ اباد کې د امریکا د ځانګړو ځواکونو په عملیاتو کې وژلی وو چې له وجې یې د اسلام اباد او واشنګټن ترمینځ تعلقات خراب شول.

د روسيې بريدونو د اوکراين د اوبو تر ټولو لوی بند له خطر سره مخامخ کړی دی

روسیې د اوکراین د انرژۍ پر تنصیباتو د بريدونو په لړ کې د هغه هېواد د اوبو تر ټولو لوی بند (ډېم) په نښه کړی دی. اوکرايني چارواکي وایي د مارچ پر ۲۲مې بریدونو د زپورېژیا په اټومي بټۍ کې د برېښنا لوی تار پرې کړی چې له وجې یې د اوکراین په یوشمېر برخو کې د برېښنا لېږد ځنډول شوی دی.

افراسیاب خټک: د ازادو امېدوارانو احتمالي بریا اېسټیبلېشمنټ ته پیغام دی

په پاکستان کې د فبرورۍ پر اتمه د شویو پارلېماني انتخاباتو غیر حتمي نتیجې راروانې دي چې له مخې یې تر اوسه داسې ښکاري چې د قامي اسمبلۍ زیاتې څوکۍ د پاکستان تحریک انصاف ملاتړ لرونکو خپلواکو نوماندانو ګټلې دي. پر دې موضوع مو له سیاستوال او شنونکي افراسیاب خټک سره مرکه کړې ده.

خیبر کې انتخاباتي هلې ځلې څنګه روانې دي؟

په کرښې پر غاړه خپرونه کې مو دا ځل د خیبر پښتونخوا په خیبر ضلع کې د فبرورۍ اتمې انتخاباتو پر کیمېن او نورو تیاریو خبرې کړې دي. په خیبر ضلع کې یوشمېر نوماندان د قامي اسمبلۍ د یوې او د صوبايي اسمبلۍ درو څوکیو لپاره له یو بل سره مقابله کوي. بشپړه خپرونه واورئ.

ایا پاکستان کې به پر ټاکلي وخت انتخابات وشي؟

په پاکستان کې د فبرورۍ پر اتمه په داسې حال کې عام انتخابات اعلان شوي دي چې پخوانی وزیراعظم عمران خان په زندان کې دی، ګوند یې په عدالتونو کې په یوشمېر مقدمو کې مصروف دی او نور ګوندونه هم پر ټاکلي وخت د انتخاباتو کېدو یا نه کېدو په اړه شکونه لري. په مشال تر رڼا لاندې کې مو پر همدې موضوع بحث کړی دی.

افراسياب خټک: د پاکستان پوځ نه غواړي چې انتخابات پر ټاکلي وخت وشي

د مشال تر رڼا لاندې بحث کې مو دا ځل د پاکستان له پخواني سېنېټر، سیاستوال، د بشري حقونو فعال او شنونکي افراسیاب خټک سره د پاکستان پر سیاست، جمهوریت، په هغه هېواد کې د پوځ پر رول او امنيتي حالاتو خبرې کړې دي.

په ایران کې چاودنو لسګونه کسانو ته مرګژوبله اړولې ده

په ایران کې د قدس ځواک د پخواني قومندان قاسم سلیماني د تلین په مراسمو کې چاودنو لسګونه کسانو ته مرګژوبله اړولې ده. د جنورۍ د درېیمې چاودنو ذمه واري لا چا نه ده منلې خو یو ایراني چارواکي یې پړه پر امریکا او اسراییلو اچولې ده. خو واشنګټن په هغه پېښه کې د امریکا او اسراییلو د ککړتیا تور رد کړی دی.

په ۲۰۲۳ز کال کې په قبايلي سيمو کې څه تېر شول؟

د مشال تر رڼا لاندې بحث کې مو دا ځل د خيبر پښتونخوا قبايلي سيمې څېړلې دي. دا چې په ۲۰۲۳ز کال کې په قبايلي سيمو کې د امنيت، اقتصاد او سياست له پلوه کوم پرمختګونه وشول او په ۲۰۲۴ز کال کې څه امکانات شته؟ په دې اړه تفصیل په ویډیويي بحث کې وګورئ.

اسلام اباد کې د بلوڅانو له لاریون سره څه پېښ شول؟

د مشال تر رڼا لاندې بحث کې مو دا ځل د ماورای عدالت وژنو او جبري بې درکیو پرضد د بلوڅانو د احتجاجي لاریون موضوع څېړلې ده. د ډېسېمبر پر ۲۰مه په اسلام اباد کې پولیسو پر بلوڅ لاریونوالو تشدد وکړ. خو پولیس وايي چې بلوڅانو ورباندې کاڼي وویشتل ځکه یې هغوی ونیول. په دې اړه تفصیل په ویډیويي بحث کې وګورئ.

خيبر پښتونخوا کې د وسلوالو پرضد پوځي عمليات څومره امکان لري؟

تېره اوونۍ د خیبر پښتونخوا په ډېره اسماعیل خان او ټانک ضلعو کې پر پوځ او پولیسو وسلوالو بریدونو ځايي خلک اندېښمن کړي دي. هغوی وېره لري چې که د ناامنۍ پېښې همداسې روانې وي نو ښايي پوځ يې په سيمو کې یو ځل بیا عمليات پیل کړي.

د مستونګ چاودنه کې لسګونه کسان وژل شوي دي

اڅکزي د چاودنې د څرنګوالي په اړه څه و نه ویل خو رویټرز خبري اژانس د یو پولیس چارواکي منیر احمد په حواله ویلي دي چې ځانمرګي بریدګر هغه مهال له "مدینه جومات" سره نېږدې چاودنه وکړه چې خلک د میلاد مراسمو ته ورغونډېدل.  

پوځ وايي د ژوب پر چاوڼۍ برید کې د وژل شویو سرتېرو شمېر ۹ ته رسېدلی دی

د پاکستان پوځ د عامه اړیکو دفتر (ای اېس پي ار) د جولای ۱۲مې پر ماښام په بیان کې ویلي دي چې په نښته کې یې پینځه مشکوک وسلوال وژلي دي. 

په ژوب کې پر چاوڼۍ برید کې ۴ پوځيان او ۳ مشکوک وسلوال وژل شوي دي

د ژوب انتظامي مشر محمد عظیم کاکړ د جولای پر ۱۲مه مشال راډیو ته وویل چې وسلوالو د شپې شاوخوا دوه بجې پر چاوڼۍ برید کړی چې تر هغې وروسته امنیتي سرتېرو ځوابي کاروايي وکړه او تر "ډېره وخته ډزې روانې" وې.

عمران خان: پوځ د وسله والو په ځای د تحریک انصاف ختمولو پسې راخیستې

د تحریک انصاف مشر عمران خان دا څرګندونې مشال راډیو ته په یوه ځانګړې مرکه کې کړي چې ژر به د مشال راډیو پر وېبپاڼه، یوټیوب، فیس بک او ټویټر خپرې شي.

پولیس وايي بر کوهستان کې یې د مذهب سپکاوي په تور یو چینايي وګړی نیولی دی

د بر کوهستان پولیسو د تیان په نوم پر چینايي وګړي پرضد د اپرېل پر ۱۷مه مقدمه دایره کړې ده چې پکې راغلي چې پر هغه تن د مذهب سپکاوي تور د اپرېل پر ۱۵مه پورې شوی وو.

په اسلام اباد کې افغان مېرمنې په خېمو کې ژوند کوي

د اسلام اباد د دنګو ودانيوو ترمنځ د افغان کډوالو په خېمو کې د افغان ښځو له کړاوه ډک ژوند

په پنجاب کې د استخباراتو ۲ افسران وژل شوي

قرغیزستان کې ښځې په کورني اقتصاد کې مهم رول لوبوي

د منځنۍ اسیا هېواد قرغیزستان ۹۰ فیصده وګړي مسلمانان دي. په هغه هېواد کې ښځې د کورني اقتصاد په برخه کې مهم رول لوبوي او په دفترونو او بازارونو کې کار کوي. په قرغیزستان کې د سړیو په نسبت زیاتې ښځې کار کوي. ویډیويي رپورټ.

د باجوړ جرګه وايي د امنیت په اړه د چارواکو له اقداماتو مطمینه نه ده

د خار د جرګو په تالار کې غونډه د اکتوبر پر شپږمه وشوه چې ورته د سیاسي ګوندونو لسګونه استازي، مخور، فعالان او اوسېدونکي ورغلي ول چې مشري یې د جمعیت علمای اسلام (ف) پخواني سېنېټر مولانا عبدالرشید کوله.