۱۴:۰۱
۱۱.۵.۲۰۱۳
- لیکوال/لیکواله فرهاد شینواری
تازه خبر: د قبایلي سیمې خیبر (۴۶مې) حلقې یانې د باړې او تیرا بې کوره شویو خلکو له پاره د جمرود په شا کڅ کې په جوړو شویو ۳۸ پولېنګ سټېشنو کې ووټ اچولو عمل درېدلی دی.
د یادې حلقې ووټران وايي، په ووټر لېسټ کې ډېرې تېروتنې دي او په سم ډول نه دی جوړ کړل شوی.
د دوی په خبره، د زیاتره کسانو نومونه د شا کڅ لیویز مرکز پولېنګ سټېشنو کې نه شته.
خلک وايي، په دې ځای کې د ځینو کاندیدانو (امېدوارانو) د پلویانو تر منځ ډزې هم شوې دي.
په دې اړه لا د الېکشن کمېشن دریځ مخې ته نه دی راغلی.
۱۳:۵۴
۱۱.۵.۲۰۱۳
۱۳:۴۲
۱۱.۵.۲۰۱۳
- لیکوال/لیکواله خدای نور ناصر
تازه خبر:
په کچلاغ کې پولیس وايي، پر پولېنګ سټېشن د لاسي بم حمله شوې ده.
په دې پېښه کې پینځه کسان ژوبل شوي دي.
۱۳:۴۰
۱۱.۵.۲۰۱۳
- لیکوال/لیکواله مشال راډیو
تازه خبر:
د بلوچستان په چمن کې د عوامي نیشنل ګوند د یوه امېدوار او د یوه ازاد نوماند تر منځ ډزې شوې دي.
د لیویز یوه چارواکي عبدالباري مشال راډیو ته وویل، په دې نښته کې پینځه کسان وژل شوي دي.
ازاد نوماند د پاکستان پوځ پخوانی کیپټن دی او عبدالخالق نومېږي.
د عوامي نیشنل ګوند کاندید اصغر خان اڅکزی نومېږي.
د دواړو تر منځ په ډزو کې درې کسان ژوبل شوي هم دي.