فرهاد شینواری په خیبر کې د مشال راډیو خبریال دی او د هم هغې سیمې پر سیاسي، اقتصادي او ټولنیزو موضوعاتو خبریالي کوي.
دا په داسې حال کې ده چې د افغانستان لپاره د پاکستان ځانګړی استازی محمدصادق خان د مارچ پر ۲۱مه کابل ته ورسېد
په تورخم کې د پاکستاني لوري د امیګرېشن (مهاجرت) یوه چارواکي د خپل نوم نه خپرولو په شرط مشال راډیو ته ویلي چې د مارچ پر ۲۱مه د پولې په انتظامي سسټم کې د تخنیکي خرابۍ له امله مساپرو ته اجازه نه ده ورکړل شوې چې تګ راتګ وکړي.
د مارچ پر ۱۹مه د طالبانو او پاکستان حکومتي چارواکو تر پرېکړې وروسته پر تورخم وره د مال لېږدوونکو ګاډو تګ راتګ بیا پیل شوی دی. چارواکي وايي، لومړی ناروغانو او بیا د مارچ له ۲۱مې څخه ټولو وګړو ته د سفر اجازه ورکوي. د تورخم ور د فبرورۍ له ۲۱مې راهیسې تړلی وو. ویډیويي رپورټ.
په ننګرهار کې د طالبانو د حکومت د والي وياند قاضي ملا عادل په يو ويډيويي بیان کې وويل چې له پاکستان سره پرېکړه شوې چې د مارچ پر ۱۹مه پر هغه لاره تجارتي مالونه او ناروغان تللی شي او د مارچ له ۲۱مې څخه به ور د ټولو مساپرو د تګ راتګ لپاره خلاص وي.
په ننګرهار کې د سوداګرۍ او پانګونې خونې رسنیو ته ویلي چې په دې ممکنه خبرو کې به د دوی له خوا ۲۷ سوداګر او د پاکستان له خوا ۳۷ سوداګر او قبایلي مشران ګډون کوي.
د افغانستان له لوري د جوړې شوې جرګې یو غړي د نوم نه ښوولو په شرط مشال راډیو ته ویلي چې هغوی د طالبانو له حکومتي چارواکو سره لیدلي او ډېر ژر به د پاکستان لوري ته د جرګې بله نېټه او ځای وښيي.
د فرورۍ پر ۲۱مه پاکستانیو امنیتي چارواکو تر هغې وروسته تورخم دروازه وتړله چې په وينا یې، طالبانو په ممنوعه سیمو کې پوستې جوړولې. خو طالبانو ويلي چې دوی په خپله خاوره کې مورچې جوړولې او پاکستان بې جوازه دروازه تړلې ده.
په جرګه کې شریک قومي مشر او د لنډي کوتل تحصیل چیرمین شاه خالد شینواري مشال راډیو ته د جرګې په اړه وویل چې د دواړو خواو مشران هڅه کوي چې حالات معمول ته ستانه کړي.
په تورخم کې د پاکستان د ملېشې ځواک خیبر رایفلز یو افسر، چې له رسنیو سره یې د خبرو اجازه نه لرله، د نوم نه ښوولو په شرط مشال راډیو ته وویل چې د دواړو لوریو ترمینځ نښته د مارچ پر پینځمه غرمه مهال شوې ده.
په تورخم کې د پاکستان د سرحدي ځواکونو (اېف سي) یوه چارواکي د نوم نه خپرولو په شرط مشال راډيو ته وويل چې د مارچ پر څلورمه سهار مهال، يو ځل بیا دواړو خواوو پر يو بل ډزې وکړې. د هغه په وينا، پر دې مهال سپکې او درنې وسلې کارول شوې دي.
په تورخم کې یو پاکستاني امنیتي چارواکي، له رسنیو سره د خبرو اجازې نه لرلو له وجې، د نوم نه ښوولو په شرط مشال راډیو ته وویل چې د مارچ پر دویمه د پاکستان د امنیتي او د طالبانو د حکومتي چارواکو ترمینځ غونډه د سهار له ۱۰ بجو راهیسې روانه وه چې ماسپښین مهال بې نتیجې پای ته ورسېده.
په تورخم کې د پاکستان یو انتظامي چارواکي، چې له رسنیو سره یې د خبرو اجازه نه لرله، د فبرورۍ پر ۲۷مه د نوم نه ښوولو په شرط مشال راډیو ته وویل چې د وره بیا پرانیستو په لړ کې لا هېڅ پرمختګ نه دی شوی او د لارې تړلو یوه اونۍ پوره شوې ده.
د افغانستان او پاکستان ترمینځ د تورخم ور د فبرورۍ پر ۲۸مه پر اتمه ورځ هم تړلی دی او په لاره او ټرمینل کې ګڼ مال لېږدوونکي ګاډي ولاړ دي. په تورخم کې د پاکستان یو انتظامي چارواکي د فبرورۍ پر ۲۷مه مشال راډیو ته ویلي ول چې لا هم د لارې د بیا پرانیستو په برخه کې پرمختګ نه دی شوی. نور په ویډیويي رپورټ کې.
په تورخم ټرمینل کې افغانستان ته د مال لېږدوونکي لسګونه ګاډي ولاړ دي او ډرېوران یې وايي چې له یو لړ مشکلاتو سره مخامخ دي.
له دې پرته، سلګونه کسان، چې ناروغانو او د هغوی پایوازان هم پکې شامل دي، په لاره کې بند پاتې دي. مساپر وايي، د تورخم ور تړل کېدو له وجې له سختو مشکلاتو سره مخامخ دي.
د تورخم دروازه نن د فبرورۍ پر ۲۵مه هم تړلې پرته ده او ښايي د خلاصېدو په اړه يې د چارواکو ترمینځ بیا خبرې وشي.
پاکستانیو امنیتي ځواکونو د فبرورۍ پر ۲۱مه پورې غاړې ته د طالبانو له حکومتي چارواکو سره د مورچو جوړولو پر سر د لانجې له کبله ور وتاړه چې ورسره سم سوداګري ودرېده او سرکاري دفترونه تړلي پراته دي.
نور وښیئ
