'د وزیرستان کډوال نور په کېمپونو کې پاته کېدل نه غواړي'

له شمالي وزيرستانه منتخب د قامي اسمبلۍ غړي محمد نظير مشال ريډيو ته وويل، کېمپ ته یې د دورې پر مهال له کډوالو «متاثرينو» سره خبرې وکړې او هغوی دا مطالبه کوي چې نور په کېمپ کې پاته کېدل نه غواړي، دوی وايي، لاره دې ورکړل شي چې په بنو او يا خوا و شا سيمو کې خپلې خېمې ولګوي. خو پوځي چارواکي وايي، ګڼ کډوال په کيمپ کې پراته دي که دوی ټول بل ځايي ته ځي نو کيدای شي چې څه نور مشکل ورته مخې ته راشي نو نن له روژه ماتي پس به يو ځل بيا له متاثرينو سره مذاکرات کوؤ او په دې خبره به یې راضي کوو چې په کيمپ کې پاتې شي.