"غازي ګلاب جمال د قامي اسمبلۍ سپیکر څوکۍ ته نوموو"
د پاکستان په پارلېمان کې د قبایلي سیمو استازي وايي، غازي ګلاب جمال به د قامي اسمبلۍ سپيکر څوکۍ ته نوموي. دا خبره د پارلېمان غړي حاجي شاه جي ګل اپریدي تېر ماښام مشال راډیو ته وکړه. دا مهال د پاکستان قامي اسمبلۍ د سپيکر څوکۍ ځکه خالي ده چې ایاز صادق شاوخوا دوه میاشتې مخکې له خپلې دندې استعفا ورکړې وه او د لاهور پر ۱۲۲مې حلقې یې د مسلم لیګ (ن) ګوند له خوا په ضمني انتخاباتو کې برخه اخیستې وه. نوموړی د اکتوبر پر ۱۱مه د انتخاباتو په ګټلو بیا د قامي اسمبلۍ غړی شو.