رقه په سوريه کې د اسلامي دولت ډلې لهخوا د دوی د پایتخت په توګه انتخاب شوی چې اوسمهالیې وروستی پیاوړی مرکز بلل کېږي.
راپورونه وایي، د امریکا په مشرۍ ائتلاف ځواکونه چې په سوریه کې د دغې ډلې په وړاندې جنګېږې د رقه ښار ته ننوتلي دي.
په سوریه کې د بشري حقونو د څار لندن مېشتې ډلې مشر رامي عبدالرحمن ویلي:
"دوی نن د لومړي ځل لپاره د رقې جنوب ته ننوتل او د الهال بازار یې ونیو."
دی وایي، د سوریي ډموکراتیک ځواکونو شمال ته د فرات رود پر لور پرمختګ کړی دی، خو نورو ځواکونو له ختیځ لوري پر الهال مارکېټ بریدونه وکړل.
دغو ځواکونو له څو میاشتو راهیسې هڅه کړې داعش وسلهوال په رقه ښار کې کلابند کړي.
د عرب کُرد ځواکونو ائتلاف پرون ویلي دوی ته شااوخوا زر تنه نور سرتېري ورسېدل څو خپل ختیځ او لوېدیځ سنګرونه پیاوړي کړي.
د بشري حقونو د څار ډله اټکل کوي چې په تېره میاشت کې پر رقې ښار د ائتلاف ځواکونو په هوایي بمباریو کې تر ۲۰۰ ډېر ملکي وګړي وژل شوي دي.
له اسلامي دولت ډلې څخه د رقې ښار ازادول به دې ډلې ته یو لوی ګوزار وي.
دغې ډلې په ۲۰۱۴ میلادي کال کې په سوریې او عراق کې د حکومتونو پر ضد جګړو په نتیجه کې د هغوی ډېره خاوره لاندې کړه او تر خپل کنټرول لاندې سیمو کې یې اسلامي خلافت اعلان کړ.
پر داعش ډلې د بېرحمانه وژنو تور لګول کېږي چې په هغه کې د عامو خلکو د سرونو پرې کول شامل دي، ډېری دا ډول کړنې په رقه ښار کې کېدلې.
ویل کېږي لهدغه ځایه بهر نورې ترورېستي حملې له همدې ښاره پلان کېږي.
