د واڼه روغتون امبولانسونه سوځول یو سازش دی. ایاز وزیر
د جنوبي وزیرستان په واڼه کې د تېرې جون میاشتې په ورستیو کې په یوه سرکاري روغتون کې د ناڅرګندو کسانو له لورو د دوو زړو امبولانسونو سوځولو په تور د وزیرو کرمزخېل ټبر ۶۰ تنه نیول شوي دي. د کرمزخېلې قبیلې یوه مشر ایاز وزیر مشال راډيو ته وویل چې په هسپتال کې د امبولانسونو او دوایانو سوځول یو منظم سازش دی چې په بدل کې یې د دوی د ټبر کسان نیول شوي دي.