په پاکستان کې د پانامه اسنادو په اړه د ګډې پلټنيزې ډلې تر راپور راتلو وروسته مخالفه ګوندونو او قانون پوهانو پر لومړي وزير د استعفا ورکولو لپاره فشار زيات کړی دی.
په رپورټ کې د نوازشريف او د هغه د اولادونو د شتمنيو په اړه پوښتنې راپورته کړل شوې وې.
د پلټنيزې ډلې پر راپور باندې دا وخت په سپريم کورټ اورېدنې روانې دي.
پوښتنه داده چې په هېواد کې رامنځ ته شوی سياسي کړکېچ د پاکستان او سیمې پر امنيت څه ممکنه اغېز کولای شي؟
دا او نورې پوښتنې د مشال تر رڼا لاندې بحث کې د دفاعي چارو پوهانو سيد نذير، سعد محمد خان او د سنده هايي کورټ وکيل عبدالهادي اېډوکېټ سره څېړل شوې دي.
