د پاکستان د اوسني حکومت اييني موده د مې تر پایه ختمېږي.
وزيراعظم شاهد خاقان عباسي اعلان کړی چې د روانې میاشتې تر ۳۱ مې نېټې پورې به د فاټا په اړه د ايين په ۲۴۷م ماده به ختمه کړي.
ددې مادې له مخې د فاټا په اړه ټول واک و اختيار يوازې له ولسمشر سره وي.
دا اقدام د فاټا اصلاحاتو برخه ده چې ورباندې له تېرو شاوخوا دوو کلونو راهيسې شخړه روانه ده.
د اصلاحاتو په تړاو حکومت ځينې اقدامات کړي دي خو لا هم ډېر څه پاتې دي.
پوښتنه دا ده چې د اصلاحاتو عملي کولو کوم خنډونه له منځه تللي او کوم لا هم شته؟
دا او نورې پوښتنې د مشال تر رڼا لاندې بحث کې د فاټا ځوانانو جرګې مشر ارشد اپريدي او د فاټا د وکيلانو اتحاديې يو مشر اعجاز مومند سره څېړو.
