په افغانستان کې د حلال احمر چارواکي وايي، پر غزني ښار په وسله واله حمله کې یې د وژل شویو ۲۰۰ کسانو مړي را غونډ کړي او د هغوی کورنیو ته یې سپارلي دي.
د افغانستان په جنوب لویدیځ زون کې د سره صلیب یو مشر سميع الله صدیق د اګست پر ۱۷مه مشال راډیو ته وویل چې همکاران یې لا هم د مړو په راغونډولو لګیا دي.
وسله والو طالبانو تېره اونۍ د جمعې په سهار پر غزني ښار ډله ایزه حمله وکړه.
د غزني د امنیه قوماندان، سمونوال فرید احمد مشعل جمعې په ورځ وویل چې یوازې د جګړې په لومړۍ ورځ، ۴۰۰ وسله وال ووژل شول.
مشعل وویل، کره شميرې به وروسته څرګند شي.
طالبانو د دې تازه راپورونو په اړه څه نه دي ويلي.
