د افغان طالبانو مشر ملا هبت الله اخوندزاده ویلي په هیواد کې تر هغه سوله نشي راتلای تر څو چې د ده په وینا بهرنیان له هغه ځایه وو نه ځي.
ملا هبت الله اخونزاده د اګست پر ۱۸مه د لوی اختر په مناسبت په بیان کې بیا دا خبره تکراره کړې چې طالبان ( اسلامي هدفونو ) او د افغانستان خپلواکۍ ته ژمن دي.
نوموړي ویلي چې ډله یې په افغانستان کې د جنګ د خاتمې لپاره له امریکا سره مستقیمو خبرو اترو باندې ټینګار کوي.
په افغانستان کې په وروستیو کلونو کې وسله والو طالبانو بیا کافي قوت موندلی دی.
د اګست پر ۱۰مه پر غزني ښار د وسله والو طالبانو په حمله کې تر ۱۰۰ زیات افغان امنیتي سرتېري او شا او خوا ۳۰ ولسي وګړي ووژل شول.
