محمود خان اڅکزي دا خبره د اکتوبر پر ۲۰مه په یو ویډیويي پېغام کې کړې ده او هغه د عبدالجبار قهرمان ، جنرال عبدالرازق او عبدالمومن حسن خېل وژل کېده غندلي دي.
محمود خان اڅکزي ویلي چې د دې کسانو وژل کېده لویه او دردونکې غمیزمه ده او پښتونخوا ملي عوامي ګوند د وژل شوو مشرانو له کورنیو سره په غم کې شریکه ده.
نوموړي پر خپلو پلویانو غږ کړی دی چې په خپلو سیمو کې دې د جنرال عبدالرازق ، عبدالجبار قهرمان او نورو وژل شوو غایبانه جنازې وکړي.
محمود خان اڅکزي وویل ، دا ښه خبره ده چې د پاکستان پوځ او وزیراعظم د دې پېښو غندنه کړې ده.
په عین حال کې د اکتوبر پر ۲۰مه په کوټه کې د جنرال عبدالرازق ، جبار قهرمان او عبدالمومن حسین خېل د جنازې غایبانه لمونځ وشو چې د افغان کونسل جنرل وحیدالله مومند او پښتونخوا ملي عوامي ګوند د مشرانو تر څنګ یو شمېر عامو خلکو هم پکې ګډون وکړ.
تر دې وړاندې د عوامي نشنل ګوند له خوا هم د پېښور په باچا خان مرکز کې د یادو مشرانو د جنازو غایبانه لمنځونه وشو.
دا له هغه وروسته دهچې د اکتوبر پر ۱۰مه د افغانستان پارلماني ټاکنو ته ولاړ سیاستوال عبدالجبار قهرمان د هلمند په مرکز لښکرګاه کې په خپل انتخاباتي دفتر کې ووژل شو.
چارواکو وویل چې نوموړي ته په چوکۍ کې بارودي مواد اېښول شوي وو د کوم د چاودنې له کبله چې نوموړی ووژل شو.
تر هغه یوه ورځ وروسته د اکتوبر پر ۱۸مه په کندهار کې د یو لوړې کچې امنیتي غونډې پر مهال په بل برید کې د کندهار امنیه قومندان جنرال عبدالرازق او د کندهار د استخباراتو مشر عبدالمومن حسین خېل ووژل شو.
په دې پېښه کې د ځیو نورو کسانو تر څنګ د کندهار والي زلمی ویسا هم ټپي شوی چې اوس یې روغتیايي حالت د ډاډ وړ ښودل شوی دی.
وسله والو طالبانو د دې دواړو بریدونو زمه واري منلې ده.
