د شاعر دروېش دراني او کيسه ليکوال طاهر اپريدي په وياړ دغه غونډه د ۱۸م دسمبر په سهار په کندهار پوهنتون کې پېل شوه چې د افغانستان پر بېلا بېلو ولايتونو سربېره له خېبر پښتونخوا او بلوچستان څخه ورغلیو ليکوالانو د دوی پر کار او زيار مقالې وړاندې کړې.
په کندهار کې دا غونډه اطلاعاتو او کلتور وزارت او کندهار پوهنتنو ن تنظيم کړې وه.
په دې غونډه کې یو شمېر سپارښتنې شوې دي.
د مشال راډیو خبریال شاهین بونېري د کندهار ولايت د اطلاعاتو او کلتور رييس فضل باري بريالي سره په دې اړه مرکه کړې ده.
بلخوا په کابل کې د علومو اکاډمۍ لخوا د پښتو ژبې د نامتو شاعر او اتل خوشحال خان خټک د ژوند او کار په اړه نړيواله غونډه پرون پېل شوې چې تر زيارت يا پنجشنبې پورې به دوام وکړي.
