ټاکل شوې ده چې د روس ولسمشر ولادمیر پوتین به نن[د فبرورۍ پر۲۰مه] روسي پارلېمان ته خپله کلنۍ وینا وکړي.
دا په داسې وخت کې ده چې نظر پوښتنو ښودلې چې د ولسمشر پوتین مقبولیت تر بل هر وخت ټیټې درجې ته راغلی دی.
ولادمیر پوتین له ۱۹۹۹م کاله راهیسې د وزیراعظم او ولسمشر په توګه د روس پر سیاست واکمن دی.
پر ولسمشر پوتین نیوکه کوونکي وايي، نوموړي د اپوزېشن او مخالف نظر لرونکو په ځپلو سره واک په لاس کې ساتلی دی.
دا به د نوموړي ۱۵م ځل وي چې دا کلنۍ وینا وکړي.
