د افغانستان د ننګرهار ولایت چارواکي وایي په تېرو ۲۴ ساعتونو کې د اچین ولسوالۍ په مربوطاتو کې ۳۱ داعش وسله وال او د هغوی ۶۲ ماشومان او ښځې افغان امنیتي ځواکونو ته تسلیم شوي.
د ننګرهار د والي ویاند عطاالله خوږیاڼي د نومبر پر۳۰مه مشال راډیو ته وویل چې په تېرو دوه اونیو کې تر زرو تنو داعشیان حکومت ته تسلیم شوي چې تر ۵۰۰ پکې ښځې او ماشومان دي.
د ده په خبره داعش ډله په ننګرهار کې ماته شوې او د تسلیمېدو لړۍ یې دوام لري.
